Desinfektatze lanak areagotu dituzte Loiun

Izurritearen bigarren kutsaketari aurre egiteko, kaleen garbiketa sistema berria ezarriko da

19.09.2020 | 01:22
Loiuko auzo gutzietan areagotu da garbiketa. Argazkia: Loiuko Udala

– Covid-19 birusa azken asteetan izaten ari den bigarren kutsaketa olatuari erantzuteko hainbat dira Bizkaiako erakunde desberdinak hartzen ari diren segurtasun-neurri berriak. Loiuko Udalaren kasuan, esate baterako, kaleetako desinfekzio lanak berriro ere areagotzea erabaki du Josu Andoni Begoñak, alkateak, burututako udal-korporazioak. "Kutsatzea material kutsatuaren bidez ere gerta daiteke, eskuetan edo beste objektu edo gainazal batzuetan egon daitekeena. Beraz, berebiziko garrantzia du higiene-neurriak eta gainazalen garbiketa-neurriak zorrozteak. Hori guztia kontuan hartuta, eta koronabirusaren pandemiaren bilakaeraren egungo egoera kontuan hartuta, Loiuko Udaletik gure herritarren segurtasunaren alde egiten dugu, eta zerbitzu berezi honen bidez udalerria desinfektatzearen alde egiten dugu berriz ere. Abuztuaz geroztik martxan jarri ditugun desinfektatze bereziak, ahaleginak biderkatuz eta euste-neurriak areagotuz zerbitzu berezi honekin", azaldu zuen alkate loiuztarrak.

Desinfekzio lan hauek areagotu ahal izateko, garbiketa sistema berri bat ahalbidetuko du herriko gobernuak, izan ere, oso ezfortsu handia suposatzen du Loiuk dituen hamar auzo eta 80 landa bideak ondo garbitu ahal izateko. Zerbitzu gehigarri honen egutegiari dagokionez, astean hiru egunetan igaroko dira desinfektatze makinak herriko txoko desberdinetako gaiak garbitzen: "Kaletik ukitu daitezkeen eta birusa izan dezaketen elementuetara iritsi behar du desinfekzio horrek. Desinfekzio-sistema berriaren bidezko errefortzua berriro jarriko dugu martxan, eta aste bakoi-tzeko astelehen, asteazken eta ostiraletan izango da errefortzu berri hori. Zerbitzu berri hori Txorierriko Mankomunitatean lehendik dagoenari gehitzen zaio, zeinaren bidez duela hilabete batzuk hartu baitziren desinfekziorako neurri berriak". Udalaren arabera, herritarrek oso positiboki baloratu dute ekintza hau, izan ere, herriko gune desberdeinetara heltzeak bertoko biztanleria guztiaren segurtasun eta osasuna bermatzearen aldeko lanaren sinonimo da, Josu Andoni Begoña alkate loiuztarraren esanetan.