LAUDIO. Lamuzako udal liburutegia oraindik itxita dagoenez, Laudioko Udalak liburutegitik liburuak hartu eta itzultzeko protokolo berri bat jarri du martxan. Horrela, erabiltzaileek ez dira liburutegira sartu behar izango, eta kutsatzeko arriskuak gutxitu egingo dira.
Horrela, liburutegiko liburu bat eskatu eta jaso ahal izateko 944 03 49 60 telefono zenbakira deitu behar da. Horretarako, astelehenetik ostiralera 09:30etik 12:30era eta 16:30etik 19:30era deitu daiteke liburuak eskatzeko. Ezinbestekoa izango da izen-abizenak, NAN/AIZ zenbakia eta harremanetarako telefonoa jartzea.
IRAKURTZEKO MATERIALA ESKATZEA
Gehienez ere helduen 2 liburu eta haurrentzako eta/edo gazteentzako 2 liburu eskatu ahal izango dira. Halaber, erabakitzen den liburu bakoitzeko 2 aukera adierazi ahal izango dira gehienez; lehenengo aukera eskuragarri ez badago, bigarrena prestatuko da.
Izapide erraz hori egin ondoren, liburutegiko langileek irakurketa-materiala jasotzera joateko deia egingo diote erabiltzaileari. Libururen batean ez badago eskuragarri aukeratutako aukeretako bat ere, jakinarazi egingo da, beste bat eskatzeko, nahi izanez gero.
Liburutegira joan eta liburuak jasotzeko, 09:30etik 13:30era eta 16:30etik 20:30era bitartean egin behar da, NAN/AIZ aurkeztuta. Ezinbestekoa izango da eskularruekin eta liburuak eramateko poltsa batekin joatea; izan ere, ezinbestekoa da higiene-neurriak zorroztea testuak irakurri eta erabiltzean, eskuak maiz urez eta xaboiz garbituz eta materiala kutsadura-fokuen eraginpean ez jarriz. Eskaera hurrengo eguneko 20: 30ak arte erreserbatuko da, baina jasotzen ez badira, liburuak beste pertsona batzuentzat eskuragarri egongo dira.
GOZATU IRAKURKETAZ ETA ZAINDU LIBURUAK
Irakurketa-materiala itzultzeko, liburutegira joan beharko da 09:30etik 13:30era eta 16:30etik 20:30era.
Erabiltzailea liburutegiko atean dagoenean, liburutegiko langileei deitu beharko die 944 03 49 60 telefonora, langileak liburuak jasotzera irten daitezen. Horretarako, eskularruak erabili beharko dira, eta liburua berrogeialdian jarriko da 14 egunez, beste pertsona batzuek erabili ahal izan dezaten.
