Ezkerraldea

Indarkeria matxista jasandako emakumeentzako gida-zakurren proiektua abiarazi du Barakaldok

17.09.2021 | 16:06

Barakaldoko Udala aurrera darrai indarkeria martxistari aurre egiteko ahaleginean. Asteazken honetan, irailak 15, Udalak abiarazi egin du Euskadin aitzindaria den genero indarkeria jasan duten emakumeentzako gida-zakurren programa.

Escanen bidez bideratuko den proiektuak hiru emakumeri emango dio laguntza konfiantza eta autoestimua hobetzeko eta gida-zakurren konpainiaz seguruago sentitzeko. Horretarako, hezitzaileen eta psikologa baten laguntza izango dute, urtebetez, banakako eta taldeko saioetan.

Gaur goizean aurkeztu du alkate Amaia del Campok proiektua Escan enpresako zuzenari Enrique Cruzekin eta Clara Campoamor Emakume Elkarteko Blanca Estrella Ruizen izenean bertaratu den Ana Tojorekin batera. "Blanca Estrella Ruiz izan zen, hain zuzen ere, programa honen berri eman ziguna, eta gaur jarriko dugu martxan, benetan tresna erabilgarri eta eraginkor bihur dadin, gaitz hau pairatzen duten emakumeentzat" adierazi du Del Campok.

Txakur gidarien programak laborari arrazako txakurrekin lan egitea eskaintzen du, eta horiek doan eta modu iraunkorrean lagako zaizkie programako parte-hartzaileei. Txakurrak bereziki aukeratzen dira arraza, tamaina, jokabide eta jabearen lehentasunen arabera.

Lagun egiteko animalia hori aukeratzeko orduan, otzantasun eta fideltasun gaitasun ezagunak eta lotura afektibo bat ezartzeko erraztasuna hartu behar dira kontuan; alderdi horiek guztiak oso hondatuta daude, eta beharrezkoak dira errekuperatzeko . "Trebatutako zakurrekin harremana izateak ez ditu soilik babes edo segurtasun alderdiak hobetzea lortzen, baizik eta on egiten die beste hainbat alorrei ere, hala nola, autoestimuari, konfiantzari, gizarte-harremanei eta erabakiak kontrolatu eta hartzeari. Horrez gainera, indarkeria matxista egoerak bizitu izanak eragindako estresa apaltzen du eta lagun-sare berria sortzen laguntzen du", azaldu du alkateak. "Laguntza psikologiko eta animikoa emateko programa bat da, eta emakumeak babestuago sentitzea lortzen du, berarekin bizi den lagun bat eguneko 24 orduetan eta urteko 364 egunetan edukitzeagatik".

Udalak, Rakel Olallak zuzentzen duen Emakume Arloaren bitartez, 15.000 euroko inbertsioa egin du proiektu pilotu hau abian jartzeko, egoera horretan dauden emakumeen artean nola funtzionatzen duen eta zer harrera duen aztertzeko. "Ziur gaude gure bizilagunek onartzen dutela, eta gure konpromisoa hori zabaltzea da, genero indarkeria pairatzen duten barakaldar gehiagok hartaz goza dezan".

ONURA HANDIAK ERREKUPERAZIO PSIKOLOGIKOAN
Trebakuntza emakumea prestatzeko prozesuaren bidez gauzatzen da, emakumeak berak egin dezan. "Sozializazioaren, obedientzian oinarritutako hezkuntza egokiaren eta emakumearekin ezarritako lotura afektiboaren bidez laguntza emozionaleko txakurren presentzia eta gizarteratzea eta laneratzea bultzatzea dira emakumeak bere ohiko jarduerari neurri handi batean berrekitea ahalbidetzen duten tresnak", azaldu du Cruzek. Txakurrak babes emozional bihurtzen dira, jokabideen mugiarazle, erlazio-figura eta beldurrak gainditzeko lorpenaren pozgarri, jabe berriarekin elkarreragiteko gaitasun berezia dutelako. Txakurra integratuko den familia-sistema batean alderdi positiboak mugiarazten dituen elementu bat ere bada.

Programa osatzeko terapia egiten da, psikologo batek zuzendutako banakako eta taldeko saioetan.

Horrela, gida-txakurren programak bat egiten du indarkeria matxista jasaten duten emakumeen eskura jartzen diren gainerako zerbitzu eta tresnekin. "Zerbitzu berri hau ¿ alkate gisa, 2019an herritarrekin hartutako konpromisoetako bat ¿ beste guztiei gehitzen zaio gizarte-gaitz honen biktima izan diren emakumeei arreta emateko, eta horrelako erasoei aurrea hartzeko.

noticias de deia