Azaroaren 20an

Giltzarri gazte zerbitzuak bat egingo du Haurren Egun Unibertsalarekin

18.11.2020 | 21:06

BARAKALDO. Barakaldoko Giltzarri gazte zerbitzuak bat egingo du hurrengo ostiralean, azaroak 20, ospatuko den Haurren Egun Unibertsalarekin. Egun horrek Haurren Eskubideen Konbentzioa gogorarazten du.

2015 urteaz geroztik, Giltzarri 12 eta 18 urte bitarteko gazteen aisialdi hezitzailerako eta partaidetzarako zerbitzuak haurren garapen integralaren aldeko erakundeekin egin du lana, hala nola UNICEFekin.

Horrelako erakundeek urtero proposatzen dute haurren eskubideak betetzea, kanpaina espezifikoak eginez. Aurten, Udalak ere emango du laguntza Giltzarriren bitartez, eta horretarako, hainbat jarduera antolatu ditu bereziki parte-hartzeko eskubidea ikusgaitzeko, hori baita adierazpen unibertsal honetara bildutako babestu eta garatu beharreko eskubideetako bat, eta areago gaur bizi dugun une latzotan", adierazi du Gazteria Arloko zinegotzi Jonathan Martinek.

Unicefek adierazi duenez, covid-19aren pandemiak umeen, nerabeen eta gizarte osoaren bizitza nahasi du. Osasunean sekulako eragina izan du, bai eta umeen hezkuntza-jardueraren egunerokoan, aisian eta aisialdian eta familien enpleguetan ere, eta besteak beste, herritarren diru-baliabideetan ere.

"Giltzarrik bat egin du aurten ere kanpainarekin, gure gazteek erkidegoan parte hartzen dutela bermatzeko misioa bete behar dugulako ekimenak antolatuz. Antolatuetarikorik deigarriena, Gurutzetako topalekuan garatuko dena: Abentura oihanean", adierazi du Martínek.

Gaur emango zaio hasiera jarduerari, eta hezkuntzara sartzeko dauden gizarte-hezkuntzazko langei buruzko gogoeta egitea proposatzen du, euren artean eztabaida dezaten. Horrez gainera, aste osoan garatuko diren jarduera digitalak izango dira:

  • Unicefen #AmiYoDel2030 kanpainan parte hartzeko deia. Argitara ezazu 2030eko bideokarta sare sozialetan, hastagaren bidez.
  • 'Abentura oihanean' jolasaren eta Hezkuntzara sartzeko eskubidearen ondorioak argitaratzea. Azaroak 18, asteazkena.
  • Asteko abestia, azaroaren 19an.
  • Unicefen `Umea besterik ez zara' bideoa argitaratzea. Azaroak 20, ostirala.
  • Haurren eskubideei buruzko istorioak galderekin. Azaroak 20, ostirala.
  • `Abenturak oihanean' jolasari buruzko istorioak. Azaroak 21, larunbata: Hezkuntzara sartzeko gizarte-hezkuntzazko langei buruzko galderak egingo dira.