Udal Jai Batzordearen ekimena

Karmenak ospatzeko programa sinbolikoa antolatu du Barakaldok

13.07.2020 | 17:32

BARAKALDO. Barakaldoko Udal Jai Batzordeak programazio sinbolikoa prestatu egin du hurrengo ostegunean, hilak 16, ospatzekoa zen Barakaldoko Karmengo Amaren egun handia dela eta. Osasun krisiak iraun duen bitartean, Barakaldon lan eskerga egin duten bost kolektibo Goiztiri elkartea, Babes Zibila, Gurutzeta eta San Eloy ospitaleetako langileak eta hiriko garbitako langileak aintzatesteko ekitaldia izango da egintza printzipala.

Pandemiaren karietara utzi ziren bertan behera Karmenak; erabakia zaila izan bazen ere, osasun publikoa babesteko irizpideak gailenduz hartu zen. Hala ere, Udal Jai Batzordeak ez dio uko egin nahi izan urtero jai barakaldarretan bizi ohi den giro goxoa nabaritzeari jaietako egunik garrantzitsuenean, behintzat. Horrela, bada, goiz-goizean bestelako soinuek agurtuko dute egunsentia Udal Txistu Bandaren musikaz. Erdialdean eta Urban auzoan ibiliko dira kalejiran, goizeko 10:00etatik aurrera.

OMENALDIA PANDEMIAN EGINDAKO LANAGATIK

12: 30ean izango da ekitaldirik bereziena, udaletxeko udalbatzaren aretoan, Udal Jai Batzordeak Goiztiri, Babes Zibilari, Gurutzeta eta San Eloy ospitaleetako osasun-langileei eta hiriko garbitzaileei zentzuzko aintzatespena egiten dienean. "Udal Jai Batzordeak xehetasun berezia izan nahi izan du kolektibo horiekin, gure hiriarekin konpromiso handia erakutsi dutelako, osasun krisi honetan gu babestuz eta zainduz", adierazi du Nerea Cantero Barakaldoko Udaleko Kultura zinegotziak. "Oso hilabete gogorrak izan dira, baina beraiek, beste kolektibo batzuk bezala, pandemia honen lehen lerroan egin dute lana, eta gure esker ona erakutsi nahi diegu", azpimarratu du.

Ekitaldia ateak itxita egingo da, edukiera mugatuarekin. Bertan, Jolin eta Deabru jaietako maskoten irudiarekin prestatu den oroigarri bat emango zaie talde horien ordezkariei.

DEABRU ETA JOLIN BISITAN, AUZOZ AUZO

Horiek izango dira, hain zuzen ere, egun honetarako programatutako hurrengo ekitaldiko protagonistak. 17: 00etatik 21: 30era, karroza dibertigarri bat ibiliko da hiriko auzoetan, Jolin, Deabru eta DJ batekin. "Hiru hilabetez etxean giltzapetuta eta txapeldun moduan ibili ondoren, Udal Jai Batzordeak txikiek euren pertsonaia gustukoenak ikusi ahal izatea erabaki du. Aurten, Covid-19a dela eta, ezin izango da argazkirik atera eurekin, baina dantza egin eta karrozatik ikusi ahal izango dituzte ", adierazi du Canterok.

Jolin eta Debru auzoak zeharkatuko dituzte: Arteagabeitia, Retuerto, Bakea, Gurutzeta, Burtzeña, Lutxana, Urban, Arrontegi, Lasesarre, Bagatza, erdialdea eta San Bizente.

BARAKALDOKO MUSIKA BANDA

Udal Musika Bandaren emanaldia izango da Herriko Plazan 19: 30etik aurrera, Barakaldoko Udal Musika Banda

Eguna bukatzeko. Ekitaldiak segurtasun eta prebentzio neurri guztiak izango ditu Covid-19aren aurrean. Horretarako, 100 aulki jarriko dira, batetik bestera 1,5 metroko distantziari eutsiz. Gainera, langileak egongo dira jendearen sarrera kontrolatzen, eta nahitaezkoa izango da musukoa jantzita joatea.

"Ekitaldi sinbolikoak dira, eta Udal Jai Batzordetik keinu bat egin nahi diegu barakaldarrei, gure egutegietan gorriz markatutako egun hau modu berezia goza dezaten, zuhurtziaz eta arduraz ", esan du Canterok.

noticias de deia