Konfinamendua betearazteko

Barakaldoko Udaltzaingoak zaintza zorroztu du Aste Santuan

14.04.2020 | 22:29

BARAKALDO. Aste Santuan zehar jendeak konfinamendua behar den bezala bete dezan, Barakaldoko Udaltzaingoak zaintza areagotu du herriko kaleetan. Amaia del Campo alkateak Zonaldeko polizia-arduradunekin koordinazio bilera bat egiten du gauero, balantzea egiteko.

Orain arte, 563 zigor ezarri dituzte Barakaldon, eta kalean aurkitzeko justifikaziorik ez zuten 7 pertsona atxilotu dituzte. Azken egunotan, gora egin dute kalean jende gehiago dagoela bai eta konfinamendu-aginduak betetzerakoan nolabaiteko erlaxatzeko joera ere - bereziki, Aste Santua iristearekin - antzeman duten auzotarren kexek eta abisuek.

"Arduratsuak izan behar dugu bizitzen ari garen egoera honetan. Ez da onargarria atzo bertan ikusi genuen moduko pertsonak egotea, etxetik irteten direnak hiriko iturrietan bainu bat hartzeko eta poliziari iseka egiten saiatzen direnak. Horregatik, zaintza zorroztuko dugu eta konfinamendu-agindua haiekin ez doala uste duten guztiak zigortuko ditugu. Osasun publikoko, erantzukizuneko eta gainerako herritarrekiko elkartasuneko kontua da, arduratsuak izan behar dugu eta elkar babestu behar dugu etxean egonda ", adierazi du Amaia del Campo alkateak.

"Badakigu guztiok behar dugula hau lehenbailehen amaitzea eta gure bizitza ahalik eta modu normalizatuenean berreskuratzea, baina hori lortzeko, koronabirusari borroka hau irabazteko, etxean geratu behar dugu, isolamendua bete behar dugu babestuta egoteko, baina baita besteak babesteko ere, batez ere birus berri honen aurrean ahulenak diren pertsonak babesteko", berretsi du alkateak. "Ez gaitezen Aste Santu honetan irteteko tentazioetan erori; izan gaitezen arduratsuak".

noticias de deia