Alerta mundial por el coronavirus

Atxondok Berdintasun Plana martxan du

15.000 euroko aurrekontuarekin laster esleituko du zerbitzua Udalak

11.03.2020 | 01:24

Atxondo – Pasaden asteleheneko ez ohiko bilkuran Atxondoko Udalak Emakumeen Nazioarteko Egunaren Erakunde-Adierazpena irakurri eta onartu zuten, eta atzo Udal Taldeak herriko lehenengo Berdintasun Plana burutuko dutela azaldu zuen.

Horrela, eta uda baino lehen, toki-administrazioak udalerriko lehen Berdintasun-Plana egiteko zerbitzua esleitzeko intentzioa azaldu zuen. 15.000 euroko aurrekontuarekin kontatzen du, berdintasunaren aldeko neurriak hartzea ahalbidetuko duen diagnostikoa egiteko eta hilabete batzuk barru emaitzak izatea ekimen berriak egiteko.

Administrazioak horrelako plan bat egiteko aurrekontu-partida bat bideratzen duen lehen aldia da. Horretarako, teknikarien, arduradun politikoen eta herritarren parte-hartzea funtsezkoa izango den irizpideak ezarriko dira. Xabier Azkarate, herriko alkateak, berdintasun-plana oraindik ez izatea atzerapen bat dela azaltu zuen eta "saiatuko gara ahalik eta eperik laburrenean udalaren esparru guztiak arautuko dituen txostena izan dezagun".