BILBO. Bilborock aretoak gizartean eragina duten hainbat gairi buruzko eztabaidak jasoko ditu Munduko Ekonomia Foroari lotutako eta Global Shapers Bilbaok antolatutako Let's Mintza ekimenari esker.
Talde horrek gazteentzako hitzaldiak antolatuko ditu, gonbidapenen bidez, gogoeta egiteko eta ikuspuntu desberdinei heltzeko.
Eztabaida horietako bakoitzean erreferentziazko pertsona bat egongo da, topaketa dinamizatuko eta zuzenduko duena. Horrela, lehenengo saioan, martxoaren 29an, 18: 00etatik aurrera, Ana Urrutia gerontologian doktorearen eskutik, adinekoen zaintzaren etorkizunean gazteek duten ikuspegiari buruz hitz egiteko.
Hurrengo saioetan, Itziar Ituño aktoreak "Paperezko Etxea" telesaileko erreferentzia sozialei buruz hitz egingo du, narratiba handien kanonetatik ihes egiten baitute bere ikuspegi feministatik.
Gonbidapenak Global Shapers Bilbao taldeak gestionatuko ditu. Talde horretako kideentzako saio itxiak egingo dira, eta tarteka saio berezi irekiak ere antolatuko dira.
Saio guztiak bideoz grabatuko dira, Bilbao Gazteren sare sozialetan partekatzeko.
OSASUN-SEGURTASUNEKO NEURRIAK
Jarduera guztiak unean-unean indarrean diren segurtasun- eta higiene-neurriak errespetatuz gauzatuko dira.
Sartu ahal den jende kopurua mugatuta egongo da, ikusleak jarrita egon beharko dira eta maskara erabiltzea nahitaezkoa izango da ekipamendu barruan, guzti-guztientzat, ikusle, artista nahiz Bilborockeko langileentzat.
Halaber, gerta liteke programa horiek aldatzea eta/edo bertan behera uztea ere, egoera sanitarioak eskatzen badu.
