MAIATZAREN 2AN

Bidebarrietak minbiziaren aurkako tratamendu inmunologikoari buruzko hitzaldia jasoko du

09.02.2020 | 01:29
Bidebarrietak minbiziaren aurkako tratamendu inmunologikoari buruzko hitzaldia jasoko du.

BILBO. Bidebarrietak minbiziaren aurkako tratamendu inmunologikoari buruzko hitzaldia jasoko du maiatzaren 2an, arratsaldeko 19:00etan. Francisco Borrego Rabasco Biocruces Bizkaia Osasun Ikerketarako Institutuko Ikerbasqueko ikerketa irakaslea eta Ane Orrantia eta Iñigo Terrén Biocruceseko Immunologia taldeko bioteknologo eta ikerlariak izango dira topaketan.

Hitzaldiak doako sarrera izango du, baina ezinbestekoa izango da liburutegian bertan gonbidapena jasotzea. Hitzaldia jarraitu gura duten baina bertara joan ezin diren pertsonek streaming-ez jarraitu ahal izango dute www.kulturguneatb.eus webgunearen bitartez.

Immunitate sistema, infekzioa eragiten duten mikroorganismoetatik eta beste agente inbaditzaile batzuetatik defendatzeko funtzionatzen duen zelula, ehun eta organo sare konplexuak osatzen du. Substantzia inbaditzailea hautematen dute eta elkarren artean lankidetzan aritzen dira, ezagutzeko eta desagerrarazteko. 2014an egin ziren minbiziaren kontrako lehenengo immunoterapia tratamenduak, immunitate sistemako osagai batzuek minbiziaren zelulak hauteman eta desagerraraz zitzaten.

Minbiziaren kontrako immunoterapia tratamendua kimioterapia baino askoz eraginkorragoa izan daiteke, minbiziaren zelulei baino ez baitie eraso egiten, eta ez ditu kimioterapiak berarekin dakartzan ondorio kaltegarriak. Hori dela eta, 2013an, Science aldizkariak, urteko aurkikuntza zientifikoa izendatu zuen minbiziaren kontrako immunoterapia.

Hitzaldia, Bidebarrieta Zientifikoaren urteko programazioaren barruan dago. Ekimenak beste programa batzuk ere jasotzen ditu, "Darwinen Eguna", besteak beste, ?hori ere UPV/EHUko Kultura Zientifikoko Katedrak antolatutakoa?, zientzia jende guztiari era atseginean eta didaktikoan hurbiltzeko eta egunerokotasuna duten zientziari buruzko gaiak ezagutarazteko helburuarekin.

GONBIDAPENAK JASOTZEA

Lekua: Bidebarrietako liburutegia

Egunak: Maiatzaren 2ra arte. Larunbatean eta igandean izan ezik

Ordutegia: 10:00-14:00 // 16:00-20:00.

Gehienez ere 4 gonbidapen pertsona bakoitzeko.

Leku guztiak bete ondoren ez da aretora sartzen utziko.

noticias de deia