Gazteen alokairurako laguntzak eskainiko ditu Durangok

Aurreko edizioek izandako harrera bikaina kontuan izanda, Durangoko Udalak martxan jarriko du Gazte Alokairuak programaren edizio berri bat. Ekimen honek udalerriko gazteei alokairuko etxebizitza eskuratzen laguntzea da. Hala, aste honetan onartu du Udalak deialdiaren ebazpena.

Dirulaguntza horien bidez, Udalak gazteek etxebizitza bat eskuratzeko dituzten zailtasun ekonomikoak arindu nahi ditu, alokairuko gastuen zati bat estaliko duen laguntza ekonomikoa eskainiz, diru-sarreren eta egoera ekonomikoaren arabera.

Guztira, 23 eskaera jaso dira, eta horietatik 19 onartu dira, aurkeztutako informazioa egiaztatu ondoren. Guztira 25.314,17 euroko bideratu dira diru-laguntzara, onuradunen egoera ekonomikoaren eta deialdian ezarritako baldintzak betetzearen arabera banatuta. Batez besteko laguntza 1.332,32 eurokoa izan da, eta batez besteko alokairua 686,76 eurokoa.

Gazte Alokairuak 2026 laguntzak 18 eta 35 urte bitarteko gazteei zuzenduta daude, 2025ean alokairuan bizitzen egon direnei. Laguntzak hileko alokairuaren % 30 eta % 50 artean estaltzen du, errentarako 850 euroko muga jarrita.

109.000 euro azken 4 urteetan

Abian jarri zenetik, Gazte Alokairuak programak aukera eman die gazte askori alokairuko etxebizitzak eskuratzeko, eta hori funtsezkoa izan da emantzipazioa errazteko. 2023an, 29.437,50 euro banatu ziren 22 eskatzaileren artean, batez beste 1.338,06 euroko laguntza eta batez besteko alokairua 594,62 eurokoa izanik. 2024an, laguntzak 29.578,20 eurokoak izan ziren 19 eskatzailerentzat, batez beste 1.556,75 euroko laguntza eta batez besteko alokairua 610,00 eurokoa. Eta joan den urtean, 2025ean, 23.646,40 euro banatu ziren 21 onuradunen artean, batez besteko laguntza 1.126,02 eurokoa izan, eta alokairuaren batez besteko zenbatekoa 627,65 eurokoa.