Hurrengo hilabeteetan martxan jarriko den kontzertuari esker Ibarzaharra enpresa-parkera, Ballonti ibaiaren ibilgura eta Labe Garaia parkera zabalduko du Sestaoko Udalak lorezaintza-zerbitzua. Horrez gain, espero da epe laburrean eta ertainean La Naval eta Txikito Bidea bezalako etorkizuneko hirigintza-garapenak estaltzea.
Osoko Bilkurak martxoaren 31n, asteartea, onetsi zituen administrazio-baldintzen agiria eta preskripzio teknikoen agiria zerbitzu honen kontratazioa arautzeko. Lau urterako izango da, eta beste urtebetez luzatzeko aukera dago. Kontratua lizitazio publikoan jarriko da hurrengo egunetan urteko 1.953.786 euroren truke, eta espero da indarrean sartzea urtearen azken hiruhilekoan.
Eremu berriak
Rosa del Palacio Zerbitzuetako zinegotziak azaldu duenaren arabera, “denbora asko daramagu agiria lantzen, eta oraingo zerbitzua hobetzea du xede, jakitun baikara zenbait gabezia dituela eta zuzentzea da gure asmoa”.
“Hasteko, aurreko agiritik, oso orokorra, 24 lan-eremu identifikatzen dituen agirira pasako gara. Gainera, bakoitzean zer egin behar den zehazten da”, gaineratu du Rosa del Palaciok.
Aurrekoaren harira, zinegotziak azpimarratu du kontratu berriak ez duela lorezaintzako zerbitzuaren estaldura orain arte artatu gabeko eremuetara zabalduko bakarrik. Gainera, makineria berrituko da inausketa- eta lorezaintza lanetarako eta, zalantzarik gabe, oraingo baliabide mekanikoak hobetuko dira.
Beste berrikuntzak
Agiriko beste berrikuntza bat da belar- eta inausketa-hondakinak egun berean kentzea, herritarrek helarazitako eske bat orain arte egiten ez zena. Halaber, espaloietan ilaran landatuta dauden zuhaitzak ikuskatuko dira hiri-ingurunerako egokienak diren zehazteko eta zaintzak definitzeko.
Azkenik, agiri berriak dio inausketa-lanak azarotik otsailera bitartean egingo direla, zuhaitzak behar bezala mantentzen direla bermatzeko.
