Durangoko Abesti Feministen VIII. lehiaketaren sariak

Berdintasunaren aldeko mezua eta tokiko sorkuntza musikala uztartzea, hori izan da ospatu berri den Durangoko Abesti Feministen lehiaketaren zortzigarren edizioaren benetako saria. Hala ere, joan den larunbatean, martxoaren 28an, Palteruena Musika Aterpeak ekimen honen sari-banaketa jaso zuen.

Ekitaldiak finalista izan diren proposamenak zuzenean entzuteko aukera eman zuen, estilo eta ikuspegi anitzak oholtzaratuz.

Sariei dagokienez, NAZek irabazi zuen 30 urtetik beherako kategorian bakarkako abesti onenaren saria,Sekretua lanari esker, eta 600 euro jaso zituen. 30 urtetik gorakoen kategorian, Garoa Arizmendik eskuratu zuen 500euroko saria Marea Morea lanagatik.

Taldeko abesti onenaren saria 30 urtetik gorakoen kategorian Swamp Stringbandentzat izan zen, Bloom lanagatik, eta 500 euro jaso zituen. Bestalde, Naroa Iglesiasek euskarazko abesti onenaren saria irabazi zuen Esnatu lanagatik, 350 euro eskuratuz. 

Publikoaren saria

Publikoak ere bere saria eman zuen, eta Amaiur Azkarate durangarrak jaso zuen aitortza Mirar a otro lado lanagatik, 350 euroko saria lortuz.

Lehiaketa honetan proposamen finalista guztiek 130 euroko aipamen berezia jaso zuten: Saioa Bañalesi Emakumeon martxa lanagatik; Sandra Moralesi La vida es ella lanagatik; Soulnettes taldeari As I am eta Hey boy lanengatik; Atrikipunki Denona da lanagatik; eta Maider Azkarragari Only a pray lanagatik.

Durangoko Udalak eskerrak eman nahi izan dizkie lehiaketan parte hartu duten pertsona guztiei, edizio hau beste behin posible egiteagatik, eta musikaren bidez berdintasunarekiko konpromisoa indartuz.