Durangok bat egingo du Planetaren Orduarekin
Klima aldaketaren inguruan sentsibilizatzeko eta udalerrian jasangarritasuna sustatzeko, 20:30etik 21:30era egingo den ekintza sinbolikoa
Urtero bezala, gero eta udalerri jasangarriago bat lortzeko erronkan aurrera eginez,Durangoko Udalak bat egingo du WWF erakundeak bultzatutako 'Planetaren Ordua' ekimen globalarekin. Ekimen honek mundu osoko pertsonak eta hiriak ordubetez argiak itzaltzera gonbidatzen ditu, jasangarritasunarekiko eta ingurumenaren babesarekiko konpromisoaren ikur gisa.
Larunbatean
Bihar, larunbata, martxoak 28, 20:30etik 21:30era, herriak bat egingo du 'Planetaren Ordua' ekimenarekin ondorengo eraikin adierazgarrien argiztapena itzaliz: Kurutzesantu ermita, Santa Ana arkua, Ezkurdiko kioskoa, Arte eta Historia Museoa,San Agustin Kultur Gunea eta Garai jauregia.
Udalerriak aurreko edizioetan egin duen ekintza honen helburua da herritarrak sentsibilizatzea ohitura jasangarriagoak hartzearen eta klima aldaketaren aurkako borroka indartzearen garrantziaz. Gainera, Durangoko Udalak bere sare sozialen bidez zabalduko du kanpaina, eta herritar guztiak gonbidatuko ditu ekitaldi sinboliko horretan parte hartzera.
Partaidetza
Aurten ere, Durangoko Udala ekintza honen bidez, herritarrak ohitura jasangarriagoak hartzearen garrantziaz eta klima aldaketaren aurkako ekintzak indartzearen beharrizanaz sentsibilizatzea bilatzen du. Halaber, Udalak kanpaina bere sare sozialen bidez zabalduko du herritar guztiak ekitaldi sinboliko horretan parte hartzera gonbidatuz, keinu txikiak eginez, hala nola etxean argiak itzaliz edo egunerokotasunean energia kontsumoa murriztuz.
Kanpainari buruzko informazio gehiago nahi izanez gero, Durangoko Udalak gomendatu die herritarrei WWFren webgune ofiziala kontsultatzea.