Galdakaoko Udalak programazio berezia eta zabala prestatu du datorren astelehenean ospatuko den Errege Magoen Kabalgatarako. Urteko gaurik magikoena da etxeko txikienentzat, eta horregatik umeentzako jarduera ugari prestatu egin ditu Udalak, esperientzia inklusiboa eta segurua bermatzen dituztenak.
Jarduerak 16:30ean hasiko dira Bengoetxeko elizaren ondoan kokatuta dagoen aparkalekuan. Gabon festa honetan tailerrak, aurpegi margoketa eta Gabonetako bingo musikala izango dira. 17:45ean Errege Magoak kamioira igoko dira Gaboneren ohiko mezuarekin ekitaldiari hasiera emateko.
Kabalgata 18:00etan hasiko da ofizialki. Desfilearen buruan kamioi bakarra egongo da gabon kanta eta guzti. Gabone Izarra eta hiru Errege Magoak joango dira bertan, eta, atzetik, laguntza logistikoko pick-up bat.
Ibilbidearen lehen zatia egokitua eta inklusiboa izango da, gozokirik bota gabe eta musika eta argiak intentsitate txikiagoan jarrita El Arco tabernaren pareraino, sentikortasun sentsoriala duten pertsonen parte hartzea errazteko helburuarekin. Hortik aurrera, kabalgatak musikarekin, argiekin eta gozokien banaketarekin jarraituko du Gandasegi ikastetxera iritsi arte.
Lehenengo geldialdia kiroldegian egingo da, eta bertan jarriko da jaiotza. Bertan, Gabone eta Errege Magoak euren laguntzaileekin batera jaitsiko dira eta Jesus haurrari eskaintza egingo diote. Ondoren, kabalgatak bere ibilbidea jarraituko du Gandasegi ikastetxeraino.
Ekitaldia amaitzeko, 19:05ean, Gaboneren mezua izango da udaletxean, eta, ondoren, tronuen unea. Gandasegi eskolako babeslekuetan, Melchor, Gaspar, Baltasar eta Gabonek haurren nahiak entzungo dituzte eta euren gutunak jasoko dituzte. Gainera, Udaletxeko plazan txokolatada egongo da, Argizaiko gurasoek prestatua, eta haurrentzako tailer bat, non apaingarriak eskuz egingo diren eta guztiek elkarlanean zuhaitz kooperatibo bat osatuko duten, Argizai Eskaut Taldearen eskutik.
Argizai Eskaut Taldeak eta Galdakaoko Udalak eskerrak eman nahi dizkiete kabalgata aurrera eramateko lanean aritu diren guztiei, eta herritarrak animatzen dituzte bertan parte hartzera.
