Sestaoko Behargintzak 'Cionitia, Eraikuntza zure eskuetan dago' proiektuan parte hartzen du,
Ekintzailetzaren eta kalitatezko enplegu egonkorraren proiektu berritzailea da, Euskal Autonomia Erkidegoko Eraikuntzaren Lan Fundazioak sustatua eta Bizkaiko Foru Aldundiak finantzatua
Eraikuntza eragile ekonomiko gisa jarduten duen sektore erresilientea da, biztanleria okupatuaren % 6ri lana ematen diona.
Sektoreko lan-aukeren estimazioak oso handiak dira, eta, gainera, ezinbesteko jarduera da beti eskulan kualifikatua eskatzen duen ekonomiarentzat.
Hala ere, sektore ezezaguna eta estereotipatua da, aurreiritziak dituena eta erakargarria ez dena.
CIONITIA proiektuak aukera emango die pertsonei eraikuntza-sektorea modu desberdin eta berritzailean ezagutzeko eta harekin harremanetan jartzeko, lan-orientazioko jardueran erabili ohi diren formatu eta metodologia disruptibo batekin eta hurbilagotik.
Jarduera hau langabezian dauden gazteei eta emakumeei, migratzaileei eta iraupen luzeko langabeei zuzenduta dago bereziki.
Proiektua 10-12 parte-hartzaileko talde-saioak egitean datza. Saioek scapes-room-etan edo ihes-geletan oinarritutako lan-metodologia izango dute. Ikasgela batean egiten da, Scape-Box izeneko kutxa baten barruan dauden elementu batzuekin. Pertsonoi jolasaren bidez ikastea gustatzen zaigu, eta, horregatik, saioak mahai-joko baten ingurukoak dira.
Jokoak erronka botatzen die jokalariei 10 proba ebazteko, eta, horien bidez, modu dibertigarrian hurbildu ahal izango dira eraikuntzaren sektorera, gamifikazioaren bidez.
Une oro jokoa gidatzen eta dinamizatzen duten langileen laguntza izango dute, eta pertsonei laguntza emango diete saioa zailtasunik gabe jarrai dezaten.
Parte-hartzaile guztiek sari bana jasoko dute parte hartzeagatik eta beste sari gehigarri bat talde irabazlearentzat.
Saioan, pertsonek taldean lan egiteko, arazoak konpontzeko, komunikatzeko eta abarrerako dituzten gaitasunak neurtu ahal izango dituzte, eta etorkizun profesionala zein eraikuntza-sektoretan aurki dezaketen jakingo dute.
Saioa amaitzeko, sektorera sartzeko funtsezkoak diren gaiei buruzko hitzaldi labur bat emango da. Lehenengo saioa Behargintzako instalazioetan egingo da otsailaren 14an.