Barakaldoko Udalak 140 plaza eskainiko ditu Gabonetako kolonietarako

Beste urte batez, Barakaldoko Udalak martxan jarriko du aurten ere bai udalerriko haurrei bideratutako Gabonetako kolonien edizio berri bat. Aurrekoetan bezala, Udalak 140 plaza eskainiko dizkie familiei, eta horien % 5 dibertsitate funtzionala duten haurrentzat gordeko dira. Ekimena 11 urte arteko umeei bideratuta dago, eta urriaren 28tik 31era bitartean egongo da zabalik matrikulazio-epea, zeina online edo telefonoz (010 zenbakian) eta kultur etxeen eta zentro zibikoen bidez egin ahal izango den. Plazen zozketa elektronikoa azaroaren 5ean egingo da.

Ekimena abenduaren 23-24-26-27-30 eta 31n eta urtarrilaren 2, 3, 4 eta 5ean eskainiko da 3 eta 11 urte bitarteko haurrentzat. Kolonien ordutegia 09:00etatik 15:00etara izango da, baina ordu erdi lehenago sartzeko eta ordu erdi geroago irteteko – 08:30ean eta 15:30ean – aukera egongo da, familien lan-ordutegiekiko bateragarritasuna errazteko. Beti bezala, bi gune egokituko dira, bata, Gurutzetan 35 plazarekin eta, bestea, Barakaldon, erdialdean, 105 plazarekin.

Izen-emateak online egin ahal izango dira, baldin eta etxean ziurtagiri elektroniko bat badute, hala nola B@kQ ziurtagiria – Udalaren webgunea, egoitza elektronikoa eta bilatzailean koloniak adierazita –, 010 zenbakiaren eta kultur etxeetako eta zentro zibikoetako telefonoen bidez.

B@kQ txartela doan eskura daiteke Herritarrentzako Arreta Zerbitzuetan – Herriko Plazan, Gurutzetan eta Clara Campoamorren-, aldez aurretik hitzordua eskatu gabe.

Hiri-kolonien prezioak 9.04 eurotik 89.92 eurora bitartekoak dira, familiaren diru-sarreren arabera, jantokia aukeratzen bada, eta 9.04 eurotik 73.76 eurora bitartekoak janari-zerbitzua ez erabiltzea erabakitzen bada. Bigarren eta hirugarren seme-alaba apuntatzean familiei egiten zaizkien deskontuak kolonietan parte hartzen duten anai-arreben kopuruaren arabera egiten dira; familiek dagokiena baino bat, bi edo hiru tarte beheragokoa ordainduko dute.