Barakaldoko sei auzok ospatuko dute San Juan gaua

Urtero bezala, igande honetan ospatuko den San Juan gaua dela eta egitarau berezia prestatu egin du Barakaldoko Udalak. Guztira, udalerriko sei auzotan piztuko da sua.

Gorostitza, Llano, Arrontegi, Beurko-Bagatza, Retuerto eta San Bizentek hainbat ekintza antolatu dituzte udaren hasiera ospatzeko, auzoetako jai elkarteek eta dantza taldeek bultzatuta. Haurrentzako jarduerak, kontzertuak, txokolatadak eta erromeriak izango dira ostiral arratsaldean, 20:30etik gauerdia igaro arte. Sei auzoak suarekin ausartuko dira, sua piztuz edo zuziak jaitsiz.

Hain zuzen ere, Gorostizak, jai batzordearen eskutik, sua piztuko du 22:00etan Ureta kaleko biribilgunearen ondoan. Llanok, jai batzordearen bitartez, Zuzien jaitsiera antolatu du 22:15ean Cirilo Sagastagoitia plazatik. Gainera, 24:00etan sua egingo du Lutxanako dultzaineroekin batera.

Arrontegin, Jai Batzordearen bitartez, sua piztuko da 22:30ean eta txokolatea banatuko da. Retuerton, Erreka Ortu dantza taldearen eskutik, zuzien jaitsiera egingo da Kultur Etxetik Kiosko Plazara. Azkenik, Beurko-Bagatzan su-ontzi metaliko bat piztuko dute 20:30eko erromeria amaitzean.

Suei begira, segurtasun-kidegoek honako gomendio hauek egiten dituzte:

Suak irauten duen bitartean:

• Sua pizteko, ez erabili likido sukoirik, hala nola alkohola edo gasolina.
• Ez bota piroteknia-objekturik sutara edo ingurura. Ez bota esprairik, latarik, zaborrik, ez eta ke toxikoak sor ditzaketen pneumatikorik edo plastikorik ere.
• Ez utzi inoiz sua pertsona heldu batek ikuskatu gabe.
• Inguruan u-mahuka bat edo su-itzalgailua izan behar da.
• Amaitzean, edozein brasa edo txingarra amatatu, ura, harea edo lurra erabiliz.