Etxebarrik larunbatean ospatuko du 'Koadrila eguna'

Datorren larunbatean, maiatzaren 4an, Etxebarrik harrera bikaina izan ohi duen Koadrila egunaren edizio berri bat ospatuko du. Bertan, adin guztietarako antolatutako jarduerak egingo dira, hala nola haurrentzako jokoak, lehiaketa gastronomikoak, koadrilen arteko jolasak, kontzertuak, eta beste sorpresa asko.

Aurtengo edizioan, berrikuntza gisa, Koadrila Eguneko batzordeak txoko batzuk antolatu ditu, gure koadrilei eskainitako jai-egun hau antolatzera bultzatzen duten balioak ezagutu eta partekatzeko. 

Etxebarriko Udalak dei egiten die egun honetaz gozatu nahi duten pertsona guztiei: "Ez dugu onartuko gure koadrilen askatasun eta bizikidetzaren aurkako jarrerarik". Izan ere, gure jaiak elkartzeko eta ondo pasatzeko guneak dira, eta askatasuna eta bizikidetza errespetatuz gozatu nahi duten pertsona guztiak gonbidatuta daude haietara. Ez dira ongi etorriak izango mezu hori ulertzen ez duten eta bestelako helburuak dituzten pertsonak.

Hori dela eta, Udaleko Segurtasun Sailak eta Ertzaintzak maiatzaren 4ko jardunaldiari eskainitako dispositibo bat koordinatu dute. Udaltzaingoa eta Ertzaintza nabarmen indartuko dira, eta kontrolak egingo dira udalerriko hainbat tokitan. 

EtxebarriBus

Gainera, aurten, gure jaietan EtxebarriBuseko zerbitzua gaueko ordutegian zabaltzeak izan zuen balorazio onaren ondoren, 30 minuturo mugikortasun zerbitzua izango dugu 00:00etatik 4: 30era, larunbatetik igandera. Ordainketak egiaztatutako garraio-txartelarekin bakarrik egin ahal izango dira (Gazte Txartela edo Barik), eta ezin izango da eskudirutan ordaindu. 

EtxebarriBusaren ibilbidea Santa Marinatik Me​trorako norabidean izango da, Lezama Legizamon inguruko bizilagunak gerturatzeko ibilbide berezia eginez, EtxebarriBuseko 1. eta 2. lineak ibilbide bakarrean eginez. 

Ekimen honen bidez, etxebarritarren arteko barne-mugikortasuna erraztu nahi da, autoa ez hartzeko eta eguna amaitu arte geratu nahi duen pertsona oro etxera modu erosoagoan eta seguruagoan itzultzeko. 

EtxebarriBusaren prezioa ez da aldatuko egun osoan, eta gaur egun aplikatzen ari den hobariaren % 50 jasotzen jarraituko du.