Metallium taldea izango da KOBA Live Abadiño 2024 jaialdian

Aurreko bi edizioek izandako harrera bikaina kontuan izanda, 2.500 lagun inguru bildu zituenean, KOBA Live Abadiño jaialdiaren edizio berri bat prestatzen hasi da Abadiñoko Udala, arrakasta hori errepikatu nahian. Bada, aste honetan jaialdian parte hartuko duen lehen taldea aurkeztu egin dute antolatzaileek.

Hala, Metalium talde alemaniarra da ekainaren 21ean eta 22an Traña-Matienan Udalak eta SUGAAR Musika Elkarteak antolatutako KOBA Live Abadiño 2024 metal eta rock jaialdirako konfirmatutako lehen taldea. Taldeak baieztatu duenez, Abadiñoko jaialdiaren barruan itzuliko dira eszenatokietara.​​

Metalium Hanburgoko power metal banda da. 1999an grabatu zuen lehen diskoa Savatage eta Yngwie Malmsteen taldeetako kideekin. Hainbat kapitulutan banatutako estudioko zortzi disko eta bi bildumen ondoren, 2011n erretiratzea erabaki zuten.

2021ean, taldearen baxu-jotzailea, Lars Ratz, taldeko liderretako bat, Mallorcan hil zenhegazkin istripu batean, baina 2023an berriro ere haien berri izan genuen, Henning Bassek (ahotsa) eta Matthias Langek (gitarra) bandan musikari handiak sartzea erabaki zutelako eszenatokietara itzultzeko. Abadiñoko Koba Live izango da, hain zuzen, itzuli ondoren igoko diren lehen eszenatokia.

Joan den ekainean Abadiñoko KOBA LIVE jaialdiaren bigarren edizioa hartu zuen Abadiñok. 2.500 pertsona inguru bildu zituen ekitaldiak, 2022ko ekitaldiaren bikoitza, Blackhearth, Sweet Rage, Mosh, el Altar del Holocausto, Primal Fear eta Angelus Apatrida taldeen zuzenekoaz gozatzeko.