Arimen Gaua ospatzeko egitarau berezia prestatu du Amorebieta-Etxanok

Egun gutxi falta dira urteko gau beldurgarrienerako, eta Amorebieta-Etxanoko Udalak programazio berezia bezain zabala prestatu egin du gero eta jende gehiago ospatzen duen Arimen Gaua delako jairako, urriaren 31ko gauan ospatzen dena, Halloween gauan konkretuki.

Udalak egitarau esklusiboa prestatu du egun berezi honen bueltan, adin guztietako zornotzarrei zuzendua. Arimen Gauaren inguruko jaiegunaren garaiarekin bat egiten dute udazkenetik negurako trantsizioak, zuhaitzen hostoen erortzeak eta urtearen amaierak. Gainera, egun honen bueltan badugu oso markatua dagoen ohitura bat: gure artean ez dauden pertsonak ekartzen ditugu gogora. Eta usadio horien baitan, tradizioak dio gure euskal arbasoek Arimen Gaua ospatzen zutela, eta auzokideak izutzen zituztela kalabaza argituekin, hildako pertsona maiteei bidea erakutsiz.

Testuinguru horretan, Udalak egunarekin erlazionatutako bi jardunaldi antolatu ditu:

Urriak 28, larunbata

12:00 Ipuin kontalaria “Abentura Zirraragarria”. Perli & Koko (2019-2016). *Plaza guztiak beteta daude

Erdu Olgetan

(2016-2014) Egunarekin lotura duten jarduera eta jolasak

• 1 txanda 16:00 – 17:30
• 2 txanda 17:30 – 19:00

(2013)

• 19:00 – 20:00 Beldurrezko pasabidea

*Bi kasuetan plaza guztiak beteta daude

Gauero (+ 10urte)

• 20:00 – 23:00 Beldurrezko pasabidea

Urriak 31, asteartea

17:00 – 21:00 Zelaieta

• Tailerrak
• Photocall
• ‘Xanduli, manduli, kikirriki… eman goxokiak guri!

17:30 – 18:30 Disko festa familientzat Zelaietako karpan

19:00 – Kontzertuak Zelaietako karpan Altxa Porru + Eztandap