Mikel Trueba kiroldegiko igerileku estaliak berritu ditu Santurtzik

Urriaren 1etik erabilgarri daude berriro Mikel Trueba kiroldegiko igerileku estaliak. Santurtziko Udalak amaitutzat eman ditu lanak dagoeneko, bertan hainbat hobekuntza egin ondoren.

Egindako jarduketaren ondorioz, "igerilekuetan jatorrizko inbertsioa egin zenetik denbora igaro denez atzemandako gabeziei erantzun zaie. Obrak igerilekuko ontziak eta instalazioetako espazio osagarriak, leihate handia eta arazketa-sistema eraberritzea izan dira, bainatzeko uraren kalitate ezin hobea lortzeko ", azaldu du Karmele Tubilla Santurtziko alkateak.

Igerilekuko bi ontziak birmoldatzearen helburu nagusia gainazaleko uraren zirkulazioa eta ekorketa hobetzea izan da, eta horrek egungo gainezkabide-sistema aldatzea ekarri du. Helburu hori lortzeko, bi ontzien hondoa handitu da, eta horrekin batera, hodi berriak ezarri ahal izan dira, uraren zirkulazio eraginkorra lortzeko. Gainera, teilatua aldatu da, eta hemendik aurrera isolamendu hobea izango du eraginkortasun termiko handiagoa lortzeko. Bestalde, dagoen leihatea errezel-horma batez aldatu da, erresistenteagoa eta modernoagoa.

Arazketa-sistemaren aldaketari dagokionez, kiroldegiko barruko igerilekuetako arazketa-instalazioen ordez, funtzio bera betetzen duten eta eraginkorragoak, modernoagoak eta egungoak diren beste batzuk jarri dira. "Orain, kloroa bertan fabrikatzen dugu gatz-elektrolisi batetik abiatuta. Beste produktu batzuk dosifikatzen dira, kloro konbinatua gutxituz eta uraren gardentasuna hobetuz" gaineratu du Itziar Carrocera Kultura, Euskara eta Kiroletako zinegotziak.​