Aste honetan, Durango Kirolakek normaltasun osoa berreskuratu du bere zerbitzuetan zazpi hilabete eta gero langileek martxan zeukaten greba amaitutzat eman ondoren. Besteak beste, Fitness Aretoaren gainbegiratzea eta zuzendutako ikastaroak berreskuratu ditu.
Horrela, Durango Kirolak erakundeak jakinarazi duenez, ordainketa helbideratuta duten pertsonen kasuan, otsailean izena emanda zeudenei eta greba-aldian baja egin ez dutenei plazari eutsiko zaie. Jardueran jarraitu nahi ez badute, baja eskatu behar dute (WhatsApp 608 052 516, email info@durangokirolak.net edo aurrez aurre Landako I edo Landako II harreretan). Urriari dagokion kobrantza hilaren erdialdetik aurrera egingo da.
Eta ordainketa helbideratu gabe duten pertsonen kasuan, plaza mantenduko zaie otsailean izena emanda zeudenei, urriaren 15era arte, betiere ordainketa egitera Landako I edo Landako II harrerara joaten badira.
Bestalde, berriro eskainiko diren jarduerak eta zerbitzuak Fitness aretokoak izango dira. Urriaren 1etik aurrera, fitness aretoko langileek arreta zuzeneko zerbitzu osoa eskainiko dute. Zerbitzu horretan, gainera, hainbat hobekuntza ezarri dira zerbitzua ematerakoan.
Eta zuzendutako jardueretan, zerbitzua hobetzeko hainbat ikastaroren kupoa murriztu da, eta, aldi berean, eskaintza handitu da.
Hori da Spinbikeren kasua. Orain egun eta ordu hauetan eskaintzen dena: astelehen eta asteazkenetan 7:30-8:30 eta 9:30-10:30; asteazkenetan 17:30-18:30; asteazken eta ostegunetan 13:30etik 14:30; ostegunetan 18:30-19:30; eta ostiraletan 18:00-19:00.
Pilatesen ere eskaintza zabaldu egingo da eta ikastaroan hasten diren pertsonek astelehenetan 11:00etatik 12:00etara eta astelehen eta asteazkenetan 17:00etatik 18:00etara aukeratu ahal izango dute; eta hobetu nahi dutenentzat astelehen eta asteazkenetan 9:00etatik 10:00etara.
Durango Kirolak programak eskaintzen dituen beste berrikuntza batzuk honako hauek dira: Hipopilates jarduera, 10:00-21:00 ordutegian, astelehen eta asteazkenetan; Bodyweight, 20:00-21:00 astearte eta ostegunetan; eta Global Fitness, ostiraletan, 9:00etatik 10:00etara
Bestalde, Spinbike, Multiactividad eta Multiactividad Plus aplikazioetan izena emanda dauden pertsonek Trainingym aplikazioaren bidez joan nahi dutenentzat erreserbatu beharko dituzte ordutegiak, behin jardueran alta emanda daudenean.
