Datorren asteko igandean, apirilak 23, Liburuaren Nazioarteko Eguna ospatuko da, eta Trapagarango Udalak bat egingo du ospakizun horrekin. Horretarako, Udal Liburutegiak egitarau zabala antolatu egin du, apirilaren 18an hasiko dena. Hauek dira antolatutako ekitaldiak: liburuak oparitzea, orri-markagailuak, zozketak, Tomás Medina idazlearekin topaketa eta tailerrak.
Bestalde, Trapagarango Udaleko Kultura Saileko zinegotzi Silvia Merak nabarmendu du aurten ere herria buru-belarri dabilela Liburuaren Egunaren ospakizunarekin, irakurketak eta literatura-sorkuntzak gizartean duten funtsezko zeregina gogoratuz.
Era berean, ikasturte honetan irakurtzen ikasten duten haurrak zorteko daude. Udal liburutegitik opari bat jasotzeko aukera izango dute erronka hori lortu dutelako. Gainera, QR kode bat duten orrialde-markagailu batzuk ditu publikoaren eskura, telefonotik Liburutegiko berri guztiak ikusi ahal izateko.
Halaber, apirilean mailegu zerbitzua erabiltzen duten pertsonak liburu berrien zozketan sartuko dira. Jarduera honetan haurrek zein helduek parte hartu ahal izango dute liburu bat alokatzen den bakoitzean. Aipatzekoa da apirilaren 18tik aurrera txikienek ipuin eta eskulan tailerrez gozatzeko aukera izango dutela astearte, ostegun eta ostiraletan 17:00etatik 19:00etara.
Gainera, apirilaren 20an 18:30etan, Tomas Medina idazle trapagarandarrarekin topaketa bat antolatu da Haur Liburutegian. Topaketa honetan Medina “Enya Red y la diosa de las sombras” idatzitako liburuarekin lotutako jarduera bat burutuko da. 8 urtetik gorako haurrei zuzendutako jarduera izango da.
