Programazio zabala eskainiko du Trapagarango Udalak Gabonetan
Larunbat honetatik aurrera, abenduak 24, eta urtarrilaren 5era bitartean, programazio zabala eskainiko du Trapagarango Udalak, jendeak egun berezi hauetaz goza ditzan, koronabirusaren pandemiaren osteko murrizketarik gabeko lehenengo Gabonak baitira.
Programa 24an hasi arren, aldez aurretik, abenduaren 22an eta 23an, Olentzerok eta Mari Domingik bisitak egingo dituzte ikastetxeetara ikasleak agurtzeko eta Gabonak hasteko. Abenduaren 22an 9:30etan Zugaztieta bisitatuko dute eta abenduaren 23an 9:15ean San Gabriel ikastetxetik igaroko dira eta 11:15ean La Escontrillatik, Gabonak hasteko.
Egitaraua Funikular plazan hasiko da abenduaren 24an 17:15ean Olentzero eta Mari Domingiren kalejirarekin J.R. Olaso kalearen bidegurutzeraino. Ibilbideak J.R. Olaso kaletik jarraituko du Axular kaleraino eta Maiatzaren 1 Etorbidetik jarraituko du Lauaxeta Plazan amaitu arte, bertan Olentzero eta Mari Domingiren harrera egingo delarik.
Gainera, aurten ere itzuliko da Gabonetako PIN-a udalerriko kiroldegian, abenduaren 26tik urtarrilaren 4ra, 11:00etatik 13:00etara eta 17:00etatik 20:00etara. Egun horietan, hainbat jarduera egingo dira, hala nola tailerrak, ipuin kontalariak edo puzgarriak txikienentzat:
- Abenduaren 26an arratsaldeko 19:00etan magia ikuskizun bat izango dugu Enekoren magiaren eskutik.
- Abenduaren 27an, Zugaztietako pilotalekuan, 19:00etan, Eriz Magoaren magia ikuskizuna egingo da.
- Abenduaren 30ean 13:00etan Amalurra izango dugu, ekialdeko dantza eta euskal mitologiaren arteko fusioa eskaintzen duen ikuskizuna. Arratsaldeko 19:00etan, Perli eta Koxkolo arduratuko dira arratsaldea alaitzeaz.
- Abenduaren 4an, 19:00etan, Sorgina Txirulinaren ipuin kontalariak itxiko du Trapagarango PIN-aren programa.
Aurreko urteetan bezala, PIN Zugaztietako pilotalekura ere eramango da abenduaren 27an eta 28an, 11:00etatik 13:00etara eta 17:00etatik 20:00etara. Egun horietan hainbat jarduera egingo dira, hala nola ipuin-kontaketa, puzgarriak eta Gabonetako tailerrak. Hori Ugarte auzoan ere ikusi ahal izango dugu, abenduaren 29an eta 30ean.
Bestalde, Silvia Mera Trapagarango Udaleko Kultura arloko zinegotziak adierazi du, “aurten beste jardueraren bat gehitu nahi izan diogu PIN-ari, hala nola ipuinkontalariak, tailerrak edo puzgarriak, jarduera ugari izan ahal izateko”.Gabonetako ekintzen programarekin jarraituz, abenduaren 30ean Trapagaranen egingo dira berriz ere aurrekanpanadak, bi urteren ondoren. Hauek Llano Plazan izango dira 19:30etatik 22:00etara eta euria eginez gero La Escontrilla ikastetxean egingo dira. Jarduerak urtarrilaren 5ean amaituko dira ohiko Errege Kabalgatarekin arratsaldeko 18:00etan Udal Kiroldegian.
“2022-2023 Gabonetan, Trapagaranek bere parte-hartze eta eguberrietako espiritua erakutsiko du, programatutako jarduera ezberdinekin. Eguberri honetaz gozatzera gonbidatzen ditugu herritar guztiak, baita jaiak eta 2023 urte zoriontsua izatea opa diegunak ere”, adierazi du Xabier Cuellar Trapagarango Udaleko alkateak.
Gazte Ludoteka
Gazte Ludotekatik ere hainbat txango antolatu dira txikienentzat Gabonetan. Hurrengo irteerak izotz gainean patinatzera joan eta zinera pelikula bat ikustera joatea izango dira. Abenduaren 23an 17:00etatik 21:00etara izotz gaineko patinaje pistara txangoa egingo da eta abenduaren 27an 17:00etatik 19:00etara Max Center merkataritza gunetik zinera irteera egingo da.