Meatzariei eta txirterei omenaldia egingo zaie burdin jaian

Lur azpian bizitza galdu zuten meatzari eta txirtereak izango dira irailaren 9tik 11ra bitartean Abanto Zierbenan ospatuko den Burdin Jaian, omenaldia eskainiko baitzaie asteburu honetan zehar.

Ekitaldiak ostiralean hasiko dira, hilaren 9an, arratsaldeko 19:00etan Euskal Herriko Meatzaritza Museoan. Larunbatean jarduera ugari egongo dira goizeko lehen ordutik: musikari eta buruhandiak, kalejirak, miniaturazko trena, meatzaritzari buruzko haur-tailerrak etab. 12:00etan azoka irekiko da modu ofizialean, ohorezko aurreskuarekin eta Gallartari buruzko omenaldi-kantekin: “Agur Gallarta Zaharra” eta “Aquella vía chiquita”, besteak beste. Burdin Jaiak igandean jarraituko du 15:00etan jarduera gehiagorekin, musikarekin eta txorizo-dastaketarekin, baita joko tradizionalekin eta barrena-erakusketarekin ere.

Gainera, Abanto Zierbenara bertaratuko direnek nekazaritza- eta elikadura-produktuen azoka bisitatu ahal izango dute asteburuan zehar. Meatzaritza-tren batek Burdinmendi Bide Berdearen antzinako ibilbidea gurutzatuko du, eta bidaiariei panoramika ederra eskainiko die azken hamarkadetako berrikuntzei dagokienez. Mineralen Txokoaz eta Burdinezko Artisauen ofizio-erakusketaz ere gozatu ahalko da, sutegi parte-hartzailearekin eta errementaritza tradizionalarekin.

Aurreko urteetan bezala, Isiltasunaren Martxa hunkigarriak El Minero etorbidea gurutzatuko du ilunpean: soilik kandelen suak eta faroltxoek argituko dute. Prozesioa larunbatean abituko da, 22:30etan, Blasco Ibañez parketik Gallarta Zaharra parkera, Bodovalleko meatzari eta txirterei omenaldia egiteko. “Santa Bárbara Bendita” abestiarekin amaituko da.