Covid-19a Bizkaian

Bi hildako Bizkaiko egoitzetan koronabirusa dela eta

29.11.2020 | 16:13

BILBO. Bizkaiko Foru Aldundiak ezagutzera emandako azken datuen arabera, lurraldeko egoitzetako bi egoiliar hil egin dira koronabirusa dela eta azken orduetan.

Azaroaren 27aren amaieran, Bizkaiko Lurralde Historikoan adinekoentzat baimenduta dauden 154 egoitzetan (guztira, 10.748 plaza), pertsona hauek zeuden covid-19ak jota, Gizarte Ekintza Saileko Ikuskapen eta Kontrol Zerbitzuak eskuragarri jarritako informazioaren arabera:

  • Positiboa baieztatua duten egoitzako erabiltzaileak: 112
  • Positiboa baieztatua duten egoitzako erabiltzaileak, ospitaleratuta daudenak: 30
  • Sendatu diren egoitzako erabiltzaileak (covid-19an negatibo, aurretik positibo emanda): 2.218
  • Positiboa baieztatua duten egoitzako langileak: 124
  • Isolatuta dauden langileak (covid-19a baieztatu gabe): 47

Gaur egun, 7 egoitzatan daude gaixotutako egoiliarrak: Nuestra Señora de los Desamparados-Karrantza (43), DomusVI Miraflores (21), Indautxu Gurena-Bilbao (15), Oizpe-Munitibar (13), Vidalia Santutxu-Bilbao (10), Anai Cantero II-Bilbao (5) eta Vitalitas Santa Teresa-Barakaldo (5).

Horrez gain, Birjinetxeko unitate soziosanitario espezializatuak, koronabirus bidezko infekzio-kasuak artatzeko, 74 adineko hartzen ditu. Pertsona horietatik, 23 egoitza-zentroen sareko erabiltzaileak dira, eta 51 zaurtasun-egoeran dauden pertsonak, zeinak koarentenan dauden ospitaleratuta egon ondoren. Era berean, Unbeko unitate soziosanitario espelizatuak, koronabirus bidezko infekzio-kasuak artatzeko, 21 adineko hartzen ditu. Pertsona horietatik, 7 egoitza-zentroen sareko erabiltzaileak dira, eta 14 zaurtasun-egoeran dauden pertsonak.

Azken orduetan 37 egoitzako erabiltzaile sendatu dira (covid-19an negatibo, aurretik positibo emanda).