Gabon Seguruak programak delituak gutxiagotu ditu Barakaldon
BILBO. Pasaden urteko abenduaren 20an abian jarri eta eta urtarrilaren 7an amaitutzat jo den Gabon Seguruak programak delituak gutxiagotzea lortu du garai horretan. Hala azaleratu du Angel Madrazo Barakaldoko Udaleko Hiritarren Segurtasun eta Babes Zibil Arloko zinegotziak.
Guztira, 16 gorabehera izan dira, aurreko Gabonetan baino % 35 gutxiago; hortaz, Gabon Seguruak Programa positiboa izan da, Madrazoren aburuz. "Lortu nahi genituen helburuak bete dira: delituak prebenitzea eta herritarrak kontzientziatzea, material piroteknikoa erabiltzea, alkohola eta/edo drogen menpe gidatzea eta jaiak gainerako pertsonekiko errespetuzko giroan gozatzea". Zentzu horretan, Udaltzaingoaren eta Babes Zibilaren konpromisoa eta profesionaltasuna azpimarratu ditu zinegotziak.
Udaltzaingoaren patruilen kopurua handitu egin da merkataritza-guneetan, eta, horren ondorioz, hiru pertsona atxilotu dituzte merkataritza-lokaletan ebasketa-delitu bat egiteagatik, eta laugarren bat inputatu dute gertakari beragatik.
Udaltzaingoak material piroteknikoa saltzeko lokalak ikuskatu ditu, eta horri esker egiaztatu ahal izan da berrikusitako ia establezimendu guztiek betetzen zituztela salmentari buruzko legezko aginduak. Tokiko bi saltokitan baino ez da hauteman F1 kategoriako material piroteknikoaren salmenta (arrisku oso txikia eta barnealdeetan erabiltzeko arriskua). Establezimendu horiek ez zuten betetzen saldu aurretik Armen Esku Hartzeko Departamentuari jakinarazteko betebeharra, baina material pirotekniko eskasa zuten.
"Hauxe azpimarratu nahiko nuke: nahiz eta material piroteknikoa modu desegokian erabiltzeagatik izandako gorabeherak murriztu egin diren aurreko urteekin alderatuta, Urtezahar gauean hainbat sute izan ziren udalerriko zenbait tokitan, eta arazoak udal-zerbitzuekin lankidetzan konpondu ziren", adierazi du Hiritarren Segurtasun eta Babes Zibil Arloko zinegotziak.
2 EMAITZA POSITIBO SOILIK ALKOHOLAGATIK ETA 1 DROGENGATIK
Gabonetako kanpainan hainbat tokitan eta ordutegitan ezarritako alkoholemia-kontrolei dagokionez, Angel Madrazok nabarmendu du Barakaldoko hiritarrek "kontzientziazio-maila handia" dutela alkoholaren eta substantzia estupefazienteen zero kontsumoari buruz; izan ere, egindako ia ehun probetatik bik bakarrik eman dute emaitza positiboa alkoholaren kontsumoan, administrazio-ondorioak dituen tasan, eta proba positiboa substantzia estupefazienteen kontsumoan.
Beste alde batetik, Udaltzaingoaren agenteak gaueko giroko guneetan egoteak istiluak, borrokak eta liskarrak saihestu ditu, eta, ondorioz, Gabon eta Urtezahar jaiak eta Urteberri eguna normaltasunez garatu dira.
Olentzerori eta Errege Magoen kabalgatari egindako harrerari dagokionez, bi ekitaldiak gorabehera aipagarririk gabe egin ziren, aldez aurretik iragarritako trafikoari buruzko eraginak alde batera utzita. Era berean, ez da agenteen beharrik izan ez Herriko Plazako karpan ez kultura-ekitaldiak izan diren udal-eraikinetan.