BILBO. Halaber, Aste Santuan, besteak beste, itsas ibilbideak egiteko, Arrantzaleen Museoa, "Aita Guria" baleontzia, herriko elizak eta klaustroa bisitatzeko, prozesioak ikusteko eta euskal produktuekin eta "giro izugarriarekin" gozatzeko aukera egongo dela adierazi dute Bermeoko udaleko arduradunek.
"Gaztelugatxeko San Juanera joateko garraio publikorik ez dagoenez asteburu eta jaiegunetan, Bermeoko Udalak Aste Santuko egun hauetan Bermibusek zerbitzu hori eskaintzea erabaki du, turismo jasangarria bultzatzeko gure herriko toki paregabe honetara garraio publikoan joateko aukera ematea garrantzitsua dela uste dugulako", azaldu dute.
Horrela, datozen ostegun, ostiral, igande eta astelehenean, Bermibusek Bermeo-San Juan (11:00, 13:00, 15:00, 17:00) eta San Juan-Bermeo (11:15, 13:15, 15:15, 17:15) ibilbideak egingo ditu. Larunbatean, aldiz, Bermeotik 15:00etan eta 17:00etan eta San Juanetik 15:15ean eta 17:15ean eskainiko da zerbitzua. Bidaia bakoitza bi euro izango da.
