Última hora
Retenciones en la A-8 dirección Bilbao por un accidente de tráfico
Zorrotza Puntaren hirigintza-etorkizunari buruzko informazio-liburuxka bat banatuko dute auzoko postontzietan
Guztira, 5.500 informazio-liburuxka argitaratu ditu Udalak
Zorrotza puntarako aurreikusitako hirigintza-berroneratze prozesuaren berri emango die Bilboko Udalak auzotarrei, InfoBilbaoren 5.000 liburuxkaren bidez. Gainera, beste 500 ale banatuko dira 8. barrutiko udal-ekipamendu nagusietan.
Guztira, 5.000 liburuxka banatuko dira auzoko bizilagunen artean. Gainera, beste 500 ale banatuko dira 8. barrutiko udal-ekipamendu nagusietan.
Dibulgazio-materialak modu argi eta bisualean aurkezten du Zorrotza puntako Hiri Antolamenduko Plan Orokorraren (HAPO) aldaketari buruzko funtsezko informazioa. Aldaketa hori gaur egun izapidetzen ari da. Era berean, aztertzen ari diren antolamendu-alternatibak ere aurkezten ditu. Udalak prozesu hurbila eta parte-hartzailea bermatzeko borondatea du, eta hortik dator postontzietako banaketa hori, auzotarrei erraztu nahi baitzaie hasieratik informazio eskuragarria izatea.
Liburuxkaren banaketa bat dator hirigintza-aldaketa horri lotutako partaidetza-prozesuaren hasierarekin. Prozesu hori otsailean eta martxoan egingo da. Lehen urrats gisa, Udalak informazio-saio bi antolatu ditu. Bilera horiek otsailaren 17an eta 18an izango dira Zorrotzako udaltegian. Gainera, abisuak ipiniko dira atarietan, deialdi horiek iragartzeko.
Lehenengo saiora, otsailaren 17kora (martitzena), prozesua ezagutu eta iritziak eman nahi dituzten pertsona guztiak daude gonbidatuta. Saioa 18:30ean hasiko da. Ordu berean hasiko da hurrengo eguneko saioa, otsailaren 18koa (eguaztena), Barrutiko Kontseiluko kideei zuzendua.
Saio horietan zehatz-mehatz azalduko dira proposatutako antolamendu-alternatibak eta prozesuaren hurrengo urratsak.
Beharrezkoa izanez gero, parte-hartzea bultzatzeko saio gehiago programatuko dira hurrengo asteetan.
Aurrez aurreko bilera horiez gain, parte hartzeko prozesuak informatzeko eta parte hartzeko beste bide batzuk ere izango ditu. Haien artean daude Udaltegiko hallean dauden informazio-panelen erakusketa –dagoeneko martxan– eta banakako arreta-zerbitzua, zeina aurretiko hitzorduarekin eskatu beharko baita planeamiento@bilbao.eus helbide elektronikora idatziz edo 94 420 43 07 telefonora deituz.