Cultura
ETS anuncia ETXEAN, su vuelta a casa con un espectáculo 360º
Bilbok rokodromo berria estreinatu du
Guztira, 52.296 euro bideratu dira azken sei asteetan egin diren lan hauetarako
Bilboko Udalak 52.296,14 euroko aurrekontua bideratu du, BEZa barne, Uretamendiko auzo etxearen inguruan rokodromo berri bat eraikitzeko. "Boulder" motakoa da, eta Auzokide Planaren esparruan egin dira lanak, auzoak hobetzeko konpromisoari eutsiz.
Azken sei asteetan egindako lanei esker, dagoen kirol-eremuari balioa eman zaio, eta altuera txikiko eskalada egiteko espazio berri bat gehitu da, adin eta maila guztietako pertsonentzat irisgarria. Gainera, nabarmen hobetu dira ingurunearen funtzionaltasuna, segurtasuna eta estetika.
Jarduketa
Boulder berriak gutxi gorabehera 40 metro koadroko azalera eskalagarria du, 13,5 metroko luzerako eta 2,60 metroko altuerako egitura erdizirkularrean antolatua, hainbat plano eta inklinazio progresiborekin, erabilera anitza eta dinamikoa ahalbidetzen dutenak. Instalazioak 300 helduleku eta bolumen baino gehiago ditu, eta iraunkortasun handiko materialekin egin da, kanpoko espazio baterako egokiak diren erresistentzia eta mantentze-lanak bermatuz.
Jardunbide segurua bermatzeko, kautxu leungarriko zoladura jarraitua instalatu da erorketa-eremuan.
Jarduketa burutzeko, hobekuntza estetiko nabarmena egin da. Zehazki, rokodromoan eta inguruko hormetan integratutako mural artistiko bat sortu da, bai eta harmailak pinturaz apaindu ere, espazioa ingurune erakargarri, dinamiko eta atsegin bihurtuz.
Esan bezala, guztira, Uretamendiko auzo etxearen ondoan egindako obra horiek 52.296,14 euroko aurrekontua izan dute (BEZa barne), eta Auzokide Planaren barruan garatu dira.