Eusko Label Liga eta Euskotren Liga Bilbon hasiko dira

Datorren larunbatean, uztailaren 5ean, Bilbo 2025eko Eusko Label Liga eta Euskotren Liga txapelketen hasierako jardunaldiaren egoitza izango da. Bertan ospatuko dira Bilboko XVI. eta VII. Banderak, hurrenez hurren. Proba hiriaren erdigunean zeharkatuko du, erlojuaren kontrako lasterketa batekin.

Itxaso Erroteta Bilboko Udaleko Gazteria eta Kiroleko zinegotziak eta Borja Rodrigo ACTko presidenteak lehiaketaren xehetasun guztien berri eman dute. Bertan, Euskotren Liga emakumezkoen tripulazioak eta Eusko Label Liga gizonezkoenak lehiatuko dira erlojuaren kontrako estropadan.      

ACTeko presidente Borja Rodrigok azpimarratu du garrantzitsua dela denboraldia Bilbon hastea, "ligaren garapenari estu lotuta dagoen hiria" delako. Bestalde, Itxaso Erroteta Bilboko Udaleko Gazteria eta Kiroleko zinegotziak balioa eman dio «hiriak kirol honekin duen loturari eta ekitaldiaren eragin positiboari». Batak nahiz besteak jendea animatu dute Bilboko Banderaren inguruan sortzen den jaigiroarekin bat egitera eta festa horretan parte hartzera.

Hiri-zirkuituak eta erlojuaren kontrako formatuak ikuskizun aparta eskainiko dute itsasadarrean zehar, eta zaleek traineruak pasatzean gozatzeko aukera izango dute hiri-ingurunean. Gainera, estropada horretako denborek hurrengo eguneko irteera-ordena eta txanden osaera zehaztuko dute, hortaz, garrantzia are handiagoa da kirola arloan.

2025eko denboraldia indartsu dator, eta, gainera, Bilbo protagonista dela; protagonista tradizioa, ikuskizuna eta lehiakortasuna maila gorenean uztartzen dituen estropada batean.