Aburtok Bilbao Basque Festen 'Gourmet txokoa' inauguratu du

Bilboko Alkate Juan Mari Aburtok ‘Gourmet Txokoaren’ karpa enblematikoa inauguratu du, eta jaialdian dauden euskal eskualde turistikoen tokiko produktuaren balioa nabarmendu du: “Zalantzarik gabe, gastronomia gure kulturaren nortasun-ezaugarri ezagunenetako bat da. Artea ez ezik, harremanak izateko, ospatzeko eta partekatzeko modu bat ere bada. Karpa honen stand bakoitzean gure historiaren zati bat dago, gure tradizioena, baita bizitza ulertzeko dugun moduarena ere. Horregatik, Bilboko Udalak apustu sendoa egiten jarraitzen du gastronomia bultzatzearen alde, gure eskaintza kultural eta turistikoaren funtsezko zatia baita”, esan du Aburtok, Bilbao Basque Festen programari aipamena eginda, jaialdiaren Gourmet atalean.

“Bilbotarrek zein Aste Santu honetan bisitatzen gaituztenek esperientzia paregabe batez gozatzea nahi dugu, gure lurreko zaporeak ezagutzeko, dastaketen, sukaldaritza-tailerren eta gainerako jardueren bidez. Izan ere, Bilbon gastronomia kultura da, batasuna da eta identitatea da”. Karpa inauguratu ondoren, Bilboko Alkateak, udalbatzako kideek eta kazetariek lau gaztako dastaketa batean parte hartzeko aukera izan dute, Iban Mate Dolarea jatetxeko (Beasain) sukaldariaren eskutik.

‘Gourmet Txokoan’ (11:30etik 14:30era eta 16:30etik 20:00etara), herritarrek eta turistek dastaketa espresetan parte hartzeko aukera, eta bertan produktu tipikoak dastatzeko aukera izango dute: gildak, ore amako ogia, gazta, txorizoa, txakolina, piperrak, eztia, izozkiak, olioa, euskal pastela, sagardoa, ardoa edo txokolatea. Bestalde, ateak zabalik egongo dira sukaldaritza-tailerretan parte hartzeko, eta, besteak beste, hegaluze-tostak antxoa marinatuarekin, Latxa gazta urdineko tostak, antxoaz betetako kalabazina, hegaluze-makia edo hegaluzez betetako pikillo piperrak egiten ikasteko aukera izango da.

Izena emateko leku-kopuru mugatuak izango dira, bai dastaketetarako, bai sukaldaritza-tailerretarako. Aurrez aurre eman behar da izena ‘Gourmet Txokoaren’ karpan, eta dirutan eman beharreko kopuru sinbolikoa ordaindu beharko da, Bilboko AmiArte elkartearentzat dirua biltzeko.

Dastaketa espresak - apirilak 17, osteguna

• •12:00 - 1. aretoa: Idiazabal Lurraldeko gaztak (Goierri)
• 12:10 - 2. aretoa: Ezpeletako piperra (Iparralde)
• 13:00 - 1. aretoa: Iza okindegia (Gorbeialdea)
• 13:10 - 2. aretoa: Moraita gaztandegia (Gorbeialdea)
• 14:00 - 1. aretoa: Ardi-gazta (Iparralde)
• 14:10 - 2. aretoa: Txakolingunea (Uribe)
• 17:00 - 1. aretoa: Urigoitiko txorizoa (Gorbeialdea)
• 17:10 - 2. aretoa: Ardo-dastaketa - Ruiz de Viñaspre (Arabako Errioxa)
• 18:00 - 1. aretoa: Idiazabal Lurraldeko sagardoak

Sukaldaritza-tailerrak - apirilak 17, osteguna

• 12:15 - 13:00: Bilboko pintxoak
• 13:15 - 14:00: Bilboko pintxoak
• 17:15 - 18:00: Hegaluze-makia
• 18:15 - 19:00: Hegaluze-makia

Gustu guztietako jardueraz betetako osteguna

Areatzako kaian, 11:30etik aurrera, euskal kirol tradizionala izango da protagonista, erakustaldiz eta lehiaketaz betetako goiz bizi-bizian. 12:30etik 13:30era, Bizkaiko Orga-Joko Txapelketa ofiziala jokatuko da, bai gizonezkoena, bai emakumezkoena. Harri-jasotzaileen erakustaldia ere izango da. Erakargarritasun berezi gisa, Nerea Egurrola, gaur egun 25 kiloko txinga garraioaren errekorra duena, 50 kiloko txinga errekorra hausten saiatuko da Bilbao Basque Fest jaialdiaren edizio honetan.

Barrutik kirol tradizionalera hurbildu nahi dutenek gaur dute horretarako aukera, Esperantzako Frontoian: tailerrak eta euskal pilotaren erakustaldiak izango dira 12:00etan, 13:00etan eta 17:00etan. Adin guztietako jendearentzako jarduera da, eta pilotalekuko "museora" bisita txiki bat ere egingo da.

Gaur, osteguna, ohiko ibai-ibilaldi antzeztuak egingo dira Bilboko itsasadarrean, eta Begotxu eta Maitane izango dira zeremonia-maistrak. Irteerak 11:30ean, 12:30ean, 13:30ean, 16:30ean, 17:30ean eta 18:30ean izango dira Pio Barojako pantalanetik. Ibilbideak 30 minutuko iraupena izango du eta 12 urtetik gorakoentzat gomendatzen da edukia, Carola garabiraino iritsiko da eta ziaboga bat egin ondoren hasierako puntura itzuliko da. Sarrerak (3 euro) eskuragarri daude Bilboats erakundearen helbidean, funtzio bakoitzaren aurreko eguneko 00:00etatik aurrera, leku-kopurua mugatua baita.

12:00etan, Berreginen Museoan Amaia Barrena eta Txitxoren kontzertu poetikoa izango da, eta proposamen sentibera eta originala eskainiko dute, euskaraz eta gaztelaniaz. Hitzaren eta musikaren botereaz gozatzeko aukera paregabea da, ingurune kultural batean.

Eguerdiko 12:00etatik aurrera, Bilboko historiari buruzko ibilbide antzeztua izango da Zazpi Kaleetan eta Areatzan, Hortzmuga Teatroa konpainiaren "Anfitriones" proposamenaren eskutik. Ibilbidea San Anton elizatik abiatuko da eta leku enblematikoak zeharkatuko ditu, besteak beste, Erriberako Merkatua, Santiago Katedrala eta Arriaga Antzokia. Aldi berean, Kaia On Set eremuan, Medikopak jardunaldia girotuko du DJ saio batekin 15:00ak arte.

Arratsaldean, Herri-Kirolak izango dira berriz ere protagonistak, Areatzako kaian. 16:30etik aurrera, publikoak aizkora-txapelketa ikusgarriez gozatuko du, besteak beste, altuerako mozketaz eta taldekako harri-zulatzaileen desafioez. Gainera, bertaratutakoek aizkolariekin partekatutako esperientzia batean parte hartuko dute eta laztabina probatuko dute. Ostegun honetako arratsaldeko kultura-eskaintzak gustu guztietako proposamenak izango ditu:

• Txalokaren “Bualá” familia-antzerkia, 18:00etan, Zabalgunean.
• Euskal zinema: "Irati" filmaren proiekzioa, 18:00etan, BBK Aretoan (16 urtetik gorakoentzat gomendatua).
• Bilbao Musikaren “Dizdira” kontzertua Azkuna Zentroan, 18:30etik 20:30era.
• Dantza plaza Lorratzekin Gasaren plazan, 19:00etan.
• Mitxel Santamarinaren “Marica de Gernika” bakarrizketa, Bilborocken, 20:00etan (edukiera mugatua, 16 urtetik gorakoentzat gomendatua).
• Korrontzi taldearen kontzertua, 20:30ean, Areatzako kioskoan.
• Musika-emanaldien amaiera Kafe Antzokian, Micky & The Buzz eta Solomillo Wellington taldeekin, Basque Fest Rock City gunearen barruan (22:00 – 00:00).