Datorren ostiralean, ekainaren 7an, arratsaldeko 19:00etatik aurrera, Bidebarrieta Kulturguneak Rafael Santandreu idazlearen 'No hagas montañas de granos de arena' izeneko bere azken liburuaren aurkezpena jasoko du. Ohi bezala, ekitaldia liburutegiaren areto nagusian egingo da.
Rafael Santandreuk Bartzelonako Unibertsitateko psikologia fakultatean ikasi zuen eta, Kataluniako Psikologoen Elkargo Ofizialean izena eman ondoren, psikoterapia mota desberdinei buruzko prestakuntza trinkoa jasotzen hasi zen. Formazio honek Italiako Arezzoraino eraman zuen, non Giorgio Nardone psikologo ospetsuarekin lan egin zuen Strategica Terapia Zentroan.
2000ko hamarkadan irakasle aritu zen Bartzelonako Ramon Llull Unibertsitatean eta Mente Sana psikologia aldizkariko erredaktore-buru izan zen, Jorge Bucayrekin batera. Psikoterapian hainbat urte eman ondoren, bere lehen liburua argitaratu zuen: "El arte de No amararse la vida" eta ondoren "Las gafas de la felicidad", "Nada es tan terrible", "Ser feliz en Alaska", "Nada es tan terrible", "Sin miedo", "El método para vivir sin miedo" eta "No hagas montañas de granos de arena". Idazle izateaz gain (psikologia kognitiboko 5 liburu eta jokabide-terapiako 2 argitaratu ditu), psikoterapia, dibulgazioa eta mediku eta psikologoen prestakuntza lantzen ditu.
Bidebarrieta Kulturgunea Bidebarrietako Liburutegiak kultura zabaltzeko duen gunea da. Bere helburuen artean literatura, ezagutza eta dibulgazio zientifikoa sustatzea dago. Bertaratzerik izan ezean, aurkezpena streaming bidez jarraitu ahal izango da Bidebarrieta Kulturguneko YouTube kanalean.
