Bilbao Arenara joateko zerbitzu berezia eskainiko du bihar Bilbobusek
Bilbao Basketek etxean jokatzen dituen partida guztietan egin ohi den bezala, Bilbobusek behin-behineko zerbitzu berezia eskainiko du larunbat honetan, apirilaren 6an, Bilboko erdigunetik Bilbao Arenara joateko, eta partida amaitzean kontrako ibilbidea egiteko. Linea hori Plaza Biribilaren ingurutik irtengo da. Horren helburua zaleen artean garraio publikoaren erabilera sustatzea da.
Horrela, bada, Bilbao Basket – Club Baloncesto Gran Canaria partidua dela eta, 17:00etan, E7 linea Plaza Zirkularretik 10 minuturo irtengo da partida hasi baino ordubete lehenagotik Bilbao Arenara (hau da, 18:00etatik aurrera). Partida amaitzean, bestalde, autobusak Bilbao Arenatik (Askatasuna/Parkea) abiatuko dira Plaza Biribileraino, Erriberako Merkatutik eta Areatzako zubitik igarota. Zerbitzu hori ere 10 minututik 10 minutura emango da geralekuan jendea geratzen den bitartean.
Bestalde, partiduaren ondorengo minutuetan, 30, 71, 75 eta 76 autobus lineek ibilbidea aldatuko dute, erabiltzaileei hiriko beste alderdi batzuetara garraiatzeko zerbitzu bizkorragoa emateko. Horretarako, Askatasuna/Parkean beste geltoki bat egingo dute Zabalburu / Hurtado Amezaga norabidean.
Bilbobus ez da garraio publikoaren aukera bakarra. Bilbao Arenatik 500 metroko inguruan badirela metro-, tren- edo tranbia-geralekuak, hiriko auzo guztiekin eta hurbileko herriekin konektatuta daudenak. Gainera, taxi-geraleku bat ere jarri da Askatasuna etorbideko 11 zenbakian.
Informazio gehiago eskura daiteke geralekuan, 010 informazio-telefonora deituz edo udal-webgunean, Bilbobusen atalean.