BILBO. Datorren astelehenean, maiatzak 17, 'Vicisitudes de una aprensiva. El miedo en tiempos de pandemia' izeneko hitzaldia jasoko du Bidebarrieta Kulturguneak, 'Kultura eta pentsamendua' zikloaren barruan antolatutakoa. Bertan, beldurrean jarriko da arreta.
Hitzaldia Melania Moscosok emango du, azalduko du nola covid-19aren epidemiaren ondorioz, herritarrek kutsatzeko arriskuari, egiazkoa, baina ukiezina, aurre egin behar diote, "kontaktu fisikoak besteak eta bakoitza gaixotasunaren eraginpean jartzen ditu, eta pertsonak lurralde sendorik gabe uzten ditu, 'Ez genuke hor egon behar' sentsazio lausoarekin".
Melania Moscoso (Bilbo, 1974) antropologoa, pedagogoa, Zientzia Politikoetan doktorea eta Ikerketa Zientifikoen Goi Kontseiluko (CSIC) Filosofia Institutuan ikertzailea da.
Bidebarrieta Kulturgunea kulturari eskainitako gunea da Bidebarrietako liburutegiaren barruan. Kultura, literatura eta zientzia garatzea eta sustatzea du helburu.
SEGURTASUN NEURRIAK
Hitzaldi honetara joateko, ezinbestekoa da Bidebarrieta Kulturgunearen webgunean eskuragarri dauden doako gonbidapenetako bat erreserbatzea.
Egungo egoeraren ondoriozko segurtasun neurriak direla eta, ekitaldi-aretoko ateak 18:15ean irekiko dira, bertaratutakoak beren aulkietan egokitzeko. Ezin bada parte hartu, hitzordua streaming bidez jarraitu ahal izango da Kulturgunea TB webgunean.
Une bakoitzean indarra duten babes eta higiene neurriak zorrotz beteko dira. Era berean, ekitaldia egiten den bitartean maskara erabili beharko da.
