Aste Santuko aisialdiko programak 240 plaza eskainiko ditu
BILBO. Laster helduko dira Aste Santuko oporrak, eta Bilboko Udalak uriko gazteei bideratutako aisialdiko programa, #GazteKLUBA, aurkeztu du dagoeneko. 240 plaza eskainiko dira guztira, eta 12 eta 17 urte bitarteko gazteek inskribatu ahal izango dira.
Bilboko Udalak 2021eko Aste Santuko #GazteKLUBA jarri du martxan, 12 eta 17 urte bitarteko gazteentzako aisialdiko programa, 19 jarduerarekin eta 240 plazarekin. Programa Aste Santuko eskola-oporraldian egingo da. Kirol-jarduerak, uretako jarduerak, tailerrak, eta kultura- edo arte-intereseko lekuren baterako txangoak sartuko dira.
Interesdunek Udalaren Bilbao Gazte webgunean eman dezakete izena edozein jardueratan parte hartzeko, martxoaren 10etik aurrera (eguaztena). Parte hartzeko, beharrezkoa da #GazteKLUBA Txartela edukitzea. Txartel hau doakoa da eta Bilbao Gazteren web-orrian eskatu daiteke.
Jarduera guztiak egiteko, covid-19a prebenitzeko osasun-gomendioak eta araudia beteko dira. Programa aldatu daiteke, baldin eta osasun-egoerak hala gomendatzen edo exijitzen badu.
2021EKO ASTE SANTUKO #GazteKLUBA PROGRAMA
Uretako jarduerak:
- Bilboats. Paseoa itsasontzian Bilboko itsasadarrean zehar, martxoaren 30ean, martitzena, eta apirilaren 7an, eguaztena, 11:00etatik 13:00etara. 2 euro balio du.
- Piraguak Bilboko itsasadarrean, martxoaren 31n, eguaztena, 12 eta 14 urte arteko gazteentzat. Apirilaren 8an, eguena, 15 eta 17 urte arteko gazteentzat. Bi kasuetan, ordutegia 10:30etik 12:00etara da. 2 euro balio du.
- Paddle Sup Bilboko itsasadarrean, martxoaren 31n, eguaztena, 12 eta 14 urte arteko gazteentzat. Apirilaren 8an, eguena, 15 eta 17 urte arteko gazteentzat. Bi kasuetan, ordutegia 12:30etik 14:00etara da. 2 euro balio du.
Kirol jarduerak:
- Jugger Zorrotzako hiltegiko parkean, martxoaren 31n, eguaztena, 11:00etatik 13:00etara. Doan.
- Arku-tiroa Ramon y Cajal ikastetxean, Otxarkoagan, apirilaren 9an, barikua, 17:30etik 19:30era. Doan.
- Parkour Sarrikoko parkean, apirilaren 9an, barikua, 11:00etatik 12:30era. 2 euro balio du.
- Skate, Guretxoko Skateskolan, apirilaren 9an, barikua, 17:00etatik 19:00etara. 2 euro balio du.
Hainbat tailer:
- Txirikorda afrikarrak, martxoaren 31n, eguaztena, 17:00etatik 18:30era. Doan. Errekaldeko Gaztegunea.
- Manga, sarrera. Apirilaren 7an, eguaztena, 11:30etik 13:30era. Doan. Iralako Gaztegunea.
- Afrikar perkusioa, apirilaren 7an, eguaztena, 17:00etatik 20:15era. 2 euro balio du. Alde Zaharreko Gaztegunea.
- Robotika, apirilaren 8an, eguena, 10:30etik 13:30era. 2 euro balio du. Uribarriko Gaztegunea.
- Origami, sarrera. Apirilaren 8an, eguena, 11:30etik 13:00etara. Doan. Iralako Gaztegunea.
- Japoniar kaligrafia, sarrera. Apirilaren 9an, barikua, 11:30etik 13:00etara. Doan. Iralako Gaztegunean.
- Manga, hasiera. 15 eta 17 urte arteko gazteentzat. Apirilaren 10ean, zapatua, 11:30etik 13:30era. Doan. Iralako Gaztegunea.
Eta gainera:
- Zirkuko teknikak Zirkozaurren, martxoaren 30ean, martitzena, 16:30etik 19:30era. 2 euro balio du.
- Bisita Itsasmuseumera, apirilaren 10ean, zapatua, 16:30etik 18:00etara. 2 euro balio du.
Temas
Más en Bilbao
-
1,5 milioi euro baino gehiago bideratuko ditu Bilboko Udalak Zurbaranbarrin bi igogailu eraikitzeko
-
Una gran alfombra roja para celebrar el Día de la Danza en Bilbao
-
El parking del Ensanche de Bilbao se cierra este domingo
-
Pyro Bar&Grill eleva la experiencia de las hamburguesas a la brasa con vistas a la ría de Bilbao