Zine Kontari euskaraz egindako zinema zikloa egingo da abenduaren 12tik 15era, Bilbon

BILBO. Antolatzaileek jakinarazi dutenez, proiekzioak Kupula aretoan izango dira, zazpi guztira, arratsaldeko 19:00etan; abenduaren 15eko saioa 18:00etan hasiko da. Sarrera doakoa izango da, aretoa bete arte.

Iaz gertatu zen bezala, zikloak Eusko Jaurlaritzaren laguntza du, besteak beste. "Euskara aktibo edo potentzialki maite duten guztientzat, ikasten ari direnentzat edo hobetu nahi dutenentzat den ekimenaz ari gara", adierazi dute antolatzaileek.

Horrela, abenduaren 12an, "Beti bezperako koplak" film laburra (Ageda Kopla Taldea) eta "Kutsidazu bidea Ixabel" lan luzea (Fernando Bernues eta Mireia Gabilondo) ikusi ahal izango dira; abenduaren 13an, "Zeinek gehiago iraun" (Gregorio Muro) eta "Loreak" (Jose Mari Goenaga eta Jon Garaño); abenduaren 14an, "Betiko" (Arantza Ibarra) eta "Asier ETA biok" (Aitor eta Amaia Merino), eta abenduaren 15ean, "Aita zonbia naiz" (Ricardo Ramon eta Joan Espinach).