Vivian Maier argazkilariari buruzko dokumental bat izango da Guggenheim Museoan

BILBO. Egitasmoa British Council erakundearekin lankidetzan antolatzen da eta ingelesa modu erlaxatuan lantzea du helburu. Hori dela eta, ingelesezko jatorrizko bertsioan ematen dira bideoen, film laburren, animaziozko dokumentalen eta arte dokumentalen zatiak.

Asteazkeneko saioan Vivian Maier amerikar argazkilari ospetsuari buruzko dokumentala izango da ikusgai, eta emanaldiaren ondoren, British Council erakundeko irakasleek gidatu eta sustatuko dute parte hartzaileen arteko elkarrizketa animatua.

Saioa Zero Espazio gunean izango da, 18:30etatik 19:45etara. Sarrerak salgai daude museoaren txarteldegian eta doakoak dira Museoaren Lagunentzat zein British Councileko ikasleentzat; publiko orokorrarentzat 3 euro balioko du.