Metro Bilbaoko Elkartasun Azokaren izango da ostegunean eta ostiralean

BILBO. Ateratzen den dirua eskuzabal bideratuko da hainbat kausara. Azoka ostegun honetan irekiko da, 11:00etan, eta ostiral iluntzeko 20:00etan amaituko da.

Hain zuzen, Metro Bilbaok jakinarazi duenez, Deporte Integra fundazioak Metro Bilbaoko langileek emandako gauzak salduko ditu aniztasun funtzionaleko umeei laguntzeko eta ume horien egunerokoa ezagutarazteko, eta Uno de los Nuestros elkarteak abandonatutako animaliei laguntzera bideratuko du jasotzen duena.

Halaber, ekimenean izango dira Kale Dor Kayiko, Ijitoen Herriaren alde egiteko; ADSIS fundazioa, Equimercado ekimenaren bidez, bazterketa arriskuan daudenak gizarteratzen laguntzeko jakiak eta kosmetika ekologikoa saltzeko; Asebi Arantza Bifidoaren eta Hidrozefaliaren Bizkaiko Elkartea, merchandising produktuak saltzeko; PIKUME (Garapenerako Lankidetza Elkartea); EMAUS; FEDER Gaixotasun Arraroen Espainiako Federazioa, eta FEYDA familia. Era berean, Elkartasun azokan hamar eurotik gorako erosketak egiten dituztenei kargagailu eramangarria oparituko die Metro Bilbaok, izakinak agortu arte.

Metro Bilbaoko Elkartasuna Azoka Ansioko geltokiko Bezeroen Arretako Bulegoaren alboko eremuan kokatuko da. 580dik gora metro karratu ditu, eta erakunde horientzako dirua biltzeko erabiliko da, osorik.