Zabalik dago 'Mugimendua ikertzeko tailerra:lengoaia pertsonal baten bila´izena emateko epea

BILBO. Bizkaiko Foru Aldundiak jakinarazi duenez, tailerraren helburua mugimenduaren lengoaia pertsonala aurkitzea da. Ikertzeko tailer honetan, mugimendua aztertuko da; horretarako, sortzeko prozesuan garatzen diren erro eta gaitasunen elkartrukea egingo da. Metodologia mugimendua aztertzea da, kezka eta lengoaia pertsonala bilatzeko aukera bakoitzean. Hainbat gauza proposatzen ditu: muga fisikoak eta mentalak, kontraesanak, oroimen lekuak, ideia-aldaketak... Labur esanda, gorputza muturreko irtenbideetara eramatea.

Errealitate bat abiapuntutzat izanda, fikzioa ere mugimendua bilatzeko elementu bat bihurtuko da. Saioetan, alderdi hauek landuko dira: gorputzaren beroketa: hiru mailetan (zoruan, altuera erdian eta maila altuan, koreografia-ikerketa, mugimendua bilatzea, konposizio koreografikoaren teknikak, gorputz-irudiak bilatzea eta muga fisikoak arakatu eta ustiatzea.

Bestalde, tailerrean izena emateko epea zabalik dago, ikastaroak 25 plaza ditu eta inskripzio-orrien sarrera-erregistroko zenbakiaren arabera esleituko dira. Tailerrean izena emateko aurkeztu beharreko dokumentazioa honakoa da: bete eta sinatutako D2 inskripzio orria, 45 euroko sarrerari dagokion banku-frogagiria, NAN edo pasaportearen fotokopia eta CV labur bat.