Martxoaren 4an hasi eta 10era bitartean, Bilboko Udaltzaingoak abiadura kontrolatzeko kanpaina egingo du. Helburua da gidariak bolantearen aurrean duten erantzukizunaz jabetu daitezela, bide-segurtasuna bermatze aldera. Horrela, Bilboko Udaltzaingoak egunero batez beste zortzi kontrol egingo ditu kanpainak irauten duen egunetan, urian baimendutako abiadura zenbat ibilgailuk gainditzen duten ikusteko. Era berean, radarretan ezarritako muga gainditzen dutenak salatuko dituzte. Kanpaina hori Euskadiko Bide Segurtasunerako eta Mugikortasun Segururako Plan Estrategikoaren barruan dago.
Kasu batzuetan, udaltzainek unean bertan jakinaraziko diote arau-hausleari, kanpaina dibulgaitzailea baita. Horrekin, gidatzean duten erantzukizunaz jabetu daitezela lortu nahi da. Besteetan, aldiz, jakinarazpena etxean jasoko dute.
Bestalde, Bilboko Udaltzaingoaren Segurtasuneko Dibisioan jasotako datu guztiak taula batzuetan sartuko dira, estatistikak egite aldera, eta datuak horretarako aldez aurretik ezarritako adierazle batzuetara egokituko dira.
Gogoan izan behar da abiadura orduko 30 kilometrora murrizteak zuzeneko eragina duela norbait harrapatzean izaten diren lesioen larritasunean, bai eta heriotza-arriskuan ere, talkaren ondoriozko energia eta balaztatze-distantzia txikiagoak direlako.
Abiaduraren murrizketa hori Bilboko erdigune osoan ezarri zen 2020ko irailean.
Gainera, araudiaren arabera, 2021eko maiatzaren 11tik aurrera, abiadura-murrizketa hauek aplikatzen hasi ziren Estatuko gainerako erkidegoetan:
- orduko 20 kilometro, galtzada eta espaloia plataforma bakarrean dauden bideetan.
- orduko 30 kilometro, noranzko bakoitzeko errei bakarra dagoen bideetan.
- orduko 50 kilometro, noranzko bakoitzeko errei bi edo gehiago dauden bideetan.
2023AN EGINDAKO KANPAINEN DATUAK
Iaz Bilboko Udaltzaingoak abiadura kontrolatzeko hamabi kanpaina egin zituen. Haietan, 264.757 ibilgailutik gora kontrolatu zituzten, eta 413 zehapen ezarri.
