ERTIBIL BIZKAIA erakusketa urtarrilaren 5era arte bisitatu ahal izango da

Bizkaiko Foru Aldundiak antolatzen duen ERTIBIL BIZKAIA Ikus-Arteen Erakusketa Ibiltariak Bizkaian lan egin eta bizi diren 18 sortzaile berrien lanak erakutsiko ditu Barakaldon. Jon Ander García, Maider Aldasoro Diaz eta Ibai Madariaga Sagastizabal & Miel Oyarzabal dira ERTIBIL BIZKAIA 2023 erakusketaren deialdi berri honetako artista irabazleak. Udal erakusketa aretoan bisitatu ahal izango da abenduaren 18tik 2024ko urtarrilaren 5era arte.

Jon Ander García, Maider Aldasoro Diaz eta Ibai Madariaga Sagastizabal & Miel Oyarzabal. Horien ondoan honako hauek daude: Imanol Abad Martínez & Imanol Expósito Delgado, Daniel Alegrete, Izaskun Araluzea Itza, Alejandro González Osés, Julene Gregorio Uriarte, Leire Lacunza Miranda, Ibon Landa Amutxategi, Idoia Leache Olagüe, Claudia Rebeca Lorenzo, Julen Martin Zaballa, Lugha Mathews Bouchard, Estela Miguel, Javier Ozcoidi, Ander Sagastiberri Fernández eta Amaia Santamaria Andres.

1983 urtetatik ERTIBILen helburua Bizkaian sormen-lana egiten duten artista berriei laguntzea eta horien obrak sustatzea izan da. Begoña de Ibarrak Rekalde Aretoko aurkezpenean zehaztu zuenez, "ERTIBILek Bizkaiko gaitasuna, talentua, artea eta etorkizuna irudikatzen ditu. 41 edizioko ibilbidearekin, ERTIBIL erreferente bihurtu da arte bisualen esparruan, sortzaile gazteen espektro artistikoaren alderdi berritzaileena eta sortzaileena hartu du, eta arte garaikidea eskuragarriago egiteko aukera eman digu".