Joan den larunbatean

Atxilotu bat Getxon osasun publikoaren aurkako ustezko delitu batengatik

21.04.2020 | 18:01

GETXO. Pasa den larunbatean, apririlaren 18an, Getxoko Udaltzaingoak gizonezko bat atxilotu zuen Andra Marin, osasun publikoaren aurkarko ustezko delitu batengatik.

Gertaera Iberberangoko gasolindegien inguruan gertatu zen. Herritarren Segurtasunerako arloari atxikita zegoen uniformerik gabeko patruila batek gizon bat ikusi zuen inguruan aparkatuta zegoen auto batera hurbiltzen, barruan beste gizon bat zegoen tokira sartu eta berarekin papelina bat trukatu zuen. Horretan hauts zuriko substantzia bat zegoen, eta horren truke, diru-kopuru bat jaso zuen. Ondoren, bere ibilgailutik azkar alde egiten saiatu zen, baina autobiaren sarreran zain zeuden beste bi agentek geldiarazi zuten.

Ibilgailuari eta ustezko egileari prebentziozko miaketa egin ondoren, poliziek 2.377 € aurkitu zituzten bere gauzen artean, billete zatikatuetan. Eskubideak irakurri ondoren, atxilotu zuten, osasun publikoaren aurkako ustezko delitu bat egotzita. 34 urteko Getxoko gizonezkoa da eta epailearen esku utzi zuten. Konfinamendua ez betetzeagatik ere salatu zuten.

Era berean, substantzia estupefazientea erosi zuenari ere salaketa jarri zioten Herritarren Segurtasunerako Legearen bi aktarekin, bata konfinamenduari buruzko Errege Dekretua ez betetzeagatik eta bestea, bide publikoan substantzia estupefazienteak edukitzeagatik.

BESTE ATXILOTU BAT, ATXILOTZEKO AGINDUA ZUENA

Bestalde, udaltzaingoak beste pertsona bat atxilotu zuen atzo, igandean, 03:16an, Algortako kale batean konfinamendu-dekretua bete gabe egoteagatik.

Identifikatu zutenean, egiaztatu zen Getxoko epaitegi batek atxilotzeko agindu bat zuela bere kontra, eta horregatik atxilotu egin zuten. 41 urteko gizonezko bat da, udalerriko bizilaguna, eta Guardiako Epaitegira eraman zuten beharrezko izapideak egin ondoren.