“Adineko pertsonen parte-hartze handiagoa eta hobea sustatu behar da”

Beatriz Artolazabal Enpleguko eta Gizarte Gaietako sailburuak atzo Donostian esan zuenez, “gure helburua da adineko pertsonen parte-hartzen handiagoa eta hobea sustatzea, eta parte-hartzea ekarpen gisa eta erantzukidetasun gisa ulertzea; gure gobernantza-eredua hobetzeko funtsezko alderdia den aldetik”. Gipuzkoako hiriburuko Udaletxean bildu ziren adinekoen eta zaintzaileen zenbait kolektiboetako ordezkaieri hau adierazi zien: “garrantzia handikoa da zuen parte-hartzea, zuen esperientzia lagungarria izango baitzaigu erabaki hobeak hartzeko”.

Esaterako, kolektibo interesdunak entzun ostean, atzo bildutako ondorioak baliagarriak izango dira Eusko Jaurlaritzak datorren urtean idatziko duen Zaintzaile Ezprofesionalen Euskal Estrategia prestatzeko prozesuan. “Gure helburua da zaintzaileen eta zaintza behar duten guztien bizi-kalitatea hobetzea”, aitortu zuen Artolazabalek.

Eusko Jaurlaritzako Enpleguko eta Gizarte Gaietako Sailak, gainerako erakundeekin elkarlanean, sustatutako Agenda Nagusi ekimena, berez, adineko pertsonekiko partaidetza publiko eta sozialeko eredu bat da. “Euskal gizartearen ia %60k uste du gure nagusiek gaur egun ez dutela merezitako aintzatespenik”. Hori dela eta, Agenda Nagusi ekimenaren jardun-prin-tzipioetako bat da 65 urtetik gorako pertsonek betetzen duten garrantzi handiko zereginaren garrantzia nabarmentzea eta aitor-tzea da. “Garaiz gaude euskal gizartean bizi-itxaropenaren gehikun-tza aldatzeko eta aukera bihur-tzeko; ezin dugu esperientzia eta jakinduria hori alferrik galtzen utzi”, erantsi zuen sailburuak. - DEIA