PreFANT jaialdiak Alberto Vazquezek zuzendutako 'Decorado' filmaren aurrestreinaldia jasoko du
Proiekzioa PreFANT zikloaren barruan dago, eta gaur arratsaldeko 19:30ean izango da
Alberto Vázquezek zuzendutako eta Ohorezko FANT 2024 zaria jaso zuen Iván Miñambresek ekoitzitako Decorado filmaren aurrestreinaldia jasoko du PreFANT zikloak.
Bilboko Udalak antolatutako FANT Fantasiazko Zinemaren Jaialdiak PreFANT zikloa irekiko du. Urtero, iristeke dagoen programazio osoaren pintzelada bat eskaintzen du. Jaialdiaren 32. edizioa 2026ko maiatzean izango da.
Animaziozko film luze hau hilaren 24an estreinatuko da ofizialki zinema-aretoetan, eta gaur goizean aurkeztu da prentsaurrekoan. Bertan, Gonzalo Olabarria Kultura eta Gobernantza zinegotziak, Iván Miñambresek eta Alberto Vázquezek jaunak hartu dute parte.
Arratsaldean, 19:30etan proiektatuko da Golem Alhóndiga zinemetako 1. aretoan. Sarrera doan izango da lekua bete arte. Gonbidapena jaso beharko da zinemako leihatiletan 16:30etatik aurrera.
Ekitaldian izango dira Gonzalo Olabarria, FANTeko zuzendaria, Amaia Domingo FANTeko zuzendariak, Iván Miñambres, Alberto Vázquez eta Iñaki López de Aguileta, Udaleko Kultura Saileko zuzendaria, eta Hiriko beste erakundeetako eta bizitza kulturaleko ordezkariak.
Berrikuntza gisa, oraingo honetan, aurrestreinaldira merchandisingarekin (kamisetak, poltsak, programa...) edo aurreko edizioetako sarrerekin joaten diren pertsona guztiek lehentasuna izango dute gonbidapenak jasotzeko orduan.
Filmak Arnold, krisi existentzial batean harrapatutako adin ertaineko saguaren bizipenak islatzen ditu. Bere ezkontza gainbehera doa, bere bizitza zentzugabea iruditzen zaio eta susmatzen hasten da bere inguruko guztia fartsa handi bat dela. Bere lagunik onena egoera susmagarrietan hiltzen denean, Arnold konbentzitzen da zerbait ez datorrela bat. Eguneroko paranoia bat bezala hasten dena askatasunarekiko antza duen zerbaitekiko ihes desesperatu bihurtzen da.
Decoradok satira, surrealismoa eta umore beltza uztartzen ditu, publikoa errealitate kezkagarri eta zentzugabe batean murgiltzeko. Protagonista, itxuraz arrunta den herritar bat, bere inguruko guztia — bere lana, bere bikotekidea, bere hiria — fartsa erraldoi baten parte dela susmatzen hasiko da.