‘Gure Zinema’ marka jaio da
Euskadiko ikus-entzunezkoen sektoreko eragileak biltzen dituen plataforma izango da
Euskadiko ikus-entzunezkoen sektoreko eragileak biltzen dituen Gure Zinema plataformak atzo egin zuen aurkezpen publikoa Zinemaldiaren baitan.
Sara Cozar eta Joseba Usabiaga aktoreak azaldu zituzten ekimenaren helburuak: Euskadin sortu eta garatutako ikus-entzunezko kate osoa indartzea, eta ikusleak aretoetara eramaten laguntzea ekoizpen horiekin disfruta dezaten.
Hilabeteetako lana burutu ondoren aurkeztu berri den aliantza horrek, euskal zinemagintza indartzea du helburu, baita ikusleei pantaila handian lan horietaz gehiago gozatzeko aukera eskainiko dien abantailak sustatzea ere. Gure Zinema Euskadiko zinemagintzaren sektore osoa batzeko asmoarekin sortu da: ekoiztetxeak, zuzendariak, gidoilariak, aktoreak eta film bat zinema-aretoetara iristeraino ekoizpena ahalbidetzen duten profesional guztiak, “zinema-aretoa delako gure lana ikusleari erakusteko leku egokia”.
Sektoreko dozenaka ordezkari bildu ziren atzo Zinemaldian Gure Zinema ekimenaren familia-argazkia egiteko. Talde horren baitan bildu dira Euskadiko ekoizleen hiru elkarteak (Apika, EPE-APV eta Ibaia), EZAE, EiTB, baita “Euskal zinemaren gainerako familia-kideak ere, jaialdiak, kultura-erakundeak eta aktoreen zein gidoilarien elkarteak ere”.
Eusko Jaurlaritzaren Kultura Sailaren babesarekin sortutako plataforma berriak hainbat ekimen jarriko ditu abian datozen hilabeteetan euskal ikusleengana iristeko, besteak beste, sustapenak, aurre-estreinaldiak, zozketak eta VIP esperientziak.
Temas
Más en Cultura
-
Muere a los 61 años Steve Albini, icono del rock underground y productor de Nirvana
-
El Teatro Arriaga llevará a escena 'El fantasma de la ópera' esta Aste Nagusia
-
Bilbao se convertirá en la capital del blues el próximo mes de julio
-
Albert Pla añade ‘Bombas en Madrid’ al repertorio que presentará en el Bilbao BBK Live