BILBO. MIN Sariaetan parte hartzeko epea urtarrilaren 19ra arte izango da zabalik. Espainiar estatu mailako musika independentearen saririk garrantzitsuenak dira MIN Sariak. MIN Sarietan Euskarazko diskorik onenarentzako saria izango da, urtero bezala. Izen-ematea hemen egin daiteke. Aurtengoa hamabigarren edizioa izango da.
Sari banaketan, aipatu bezala, kategoria ezberdinak aurki daitezke; besteak beste, abesti hoberena, artista hoberena, artista hasiberririk hoberena, zuzenekorik hoberena edota bideoklip hoberena.
Hauxe izango da MIN Sari banaketaren prozesua: urtarrilaren 8tik 19ra bitarte, artistek euren proposamenak aurkezteko epea; urtarrilaren 27tik otsailaren 10era, premiosmin.com webgunean egindako bozketa ireki bidez, kategoria bakoitzean finalaurrekora iritsiko diren 15 taldeen aukeraketa; otsailaren 12tik 23ra, epaimahai bidezko kategoria bakoitzeko finalisten aukeraketa; eta, azkenik, martxoaren 11n, sari banaketa ekitaldia Madrilen.
Unión Fonográfica Independiente-k antolatutako sariak 2009 urtean sortu ziren estatu mailako sorkuntza artistikoari, kultur aniztasunari, talentuari eta musika alorreko enpresa txiki eta ertainek ekoiztutako lanei ikusgarritasuna emateko, eta musika independentea estatu mailan eta nazioartean sustatzeko. Aurreko urteko edizioan, euskarazko diskorik hoberenaren saria Ruper Ordorikak jaso zuen, Bakarka diskoarengatik.
Aurreko edizioan, 2019koan, irabazleak martxoaren 13an jakinarazi zituzten Madrilgo Circo Price Antzerkian. Ekitaldia De la Puríssima taldeko abeslaria den Julia de Castrok aurkeztu zuen.
