Ezkerraldea

Derioko ausartak beti aurrera doaz

14.04.2020 | 00:08
Derioko umeak kirola egiten ari dira ahal duten neurrian. Argazkiak: Derioko Udala

larrialdi egoera dela eta, herriko jendeak baikortasun mezu bat bidali zuen udalak eindako bideo baten bidez

lARRIALDI egoerak eskutik ekarri zuen berrogeialdi honetan modu askotan adierazten ari da biztanleria bizkaitarra bere elkartasuna. Etxean egon beharra oso gogorra izaten ari da askorentzat eta, horrenbestez, jendea hainbat ekin-tza egiten dabil gizartea anima-tzeko. Esate baterako, derioztarrak ikkusentzunezko baten bitartez ari dira euren herrikideen animoak altxatzen. Udalak, bere web-gunearen eta Facebook kontuaren bitartez, bideo alai bat argitaratu du. "Ausartak beti aurrera doaz, arnasestuka bada ere", hau da derioztarrek irribarre batekin lagunduta pazaratu duten baikortasun mezua. Bideo honetan, herriko familia eta pertsona desberdinak azaldu ziren etxean aisialdia nola igarotzen ari diren erakutsita azaltzen dira. Hainbat dira euren alaitasuna helarazi nahi izan duten gaztetxoak; batzuk ahal duten neurrian etxeko berotasunean kirola eginda, beste bbatzuk mozorroak jantzi eta dantza eginda eta, gehienak, mezu baikorrak modu koloretsu batean islatuta. DEsther Apraiz, Derioko alkatesa, ere bere familiarekin batera agertu zen ikusentzunezko honetan #DenaOndoAterakoDa eta #DerioEtxean traolak irudikatuta.

aisialdirako eskaintza Biztanleriaren artean mezu positiboak zabaltzaeaz gain, beste hainbat ekintza proposatzen ditu Udalak egunero bere Facebook kontuaren bitartez. Esate baterako, atzoko erronka ariketa fisikoarekin eta kirolarekin lotuta egon zen Mugi-mugi interneten bidezko klasea erabilita. Beste hainbat motatako jarduerak ere proposatu izan dira berrogeialdia hasi zenetik; ipuin edo marrazki lehiaketak, familian egiteko errezetak, irakurtzeko liburu zerrenda luzeak, meditazioa egiteko argibideak ara abar luze bat, beti ere jendea etxean geratzearen garrantzia azpimarratuta. Guztia kontuan izanda, argi dago Derioko biztanleria posible den neurrian aisialdi emankor eta dibertigarriak bizitzen ari direla hain berezia den egoera honetan zehar.

noticias de deia