ERMUA. Elikagaien Bankuak laguntza emango die urtarrileko bigarren aste honetatik aurrera Ermuko familia ahulenei. 80 familia-unitatek jasoko dute laguntza hori, 165 pertsona guztira. Elikagaien Bankuaren elikagai-loteak Eibarko Gurutze Gorriarekin batera egindako lanari esker egin ahal izan dira.
Ermuko udalerria Bizkaiko Elikagaien Bankuaren sarera atxikitzean datza zerbitzu hori emateko aldaketa garrantzitsu bat, orain hasiko garen 2021 honetan, jada, Basauriko egoitzazentralizatzailetik jasoko baititu elikagai-dohaintzak. Orain arte, Ermua Gipuzkoako Sarean sartuta zegoen, zehazki Bergarako baseari atxikita, eta oso koordinazio-harreman ona izan da horrekin, gure auzokide ahulenen oinarrizko beharrei ongi erantzuteko aukera eman baitu. Hala ere, Gizarte Zerbitzuen mapa pixkanaka hedatzen ari denez, komeni da erreferentziazko lurralde-eremua eta zerbitzuen eskaintza bateratzea, eta, Gizarte Zerbitzuei dagokienez, lurraldearen kasuan bezala Durangaldean eta Bizkaiaren barne gaude.
Aste honetan jasoko da Bizkaitik datorren lehenengo bidalketa eta lehenbailehen banatuko da laguntza hori duten familia hartzaileen artean. Ermuak hilero bidalketa berri bat jasoko du, iritsi bezain laster banatuko dena. Elikagaien Bankuak jasotako eta bideratutakoak Europar Batasunak Gurutze Gorriaren bidez aldizka bidaltzen dituen premia biziko beste elikagai batzuekin osatzen dira (urtean 3 edo 4 bidalketa izaten dira), bai eta gure gizarte-sareak elikagaiak biltzeko egiten dituen unean uneko beste kanpaina batzuekin ere (ikastetxeetako guraso-elkarteak, tokiko hainbat elkarte, eta abar). Hala ere, programaren sostengu nagusia Ermuko Udalaren aurrekontu-zuzkidura da, 2021eko ekitaldirako 20.000 eurokoa dena.
Elikagaiak jasotzeko eta banatzeko prozedura honako hau da:
- Prozesua udaleko gizarte-zerbitzuetan hasten da. Bertan egin behar da zerbitzuaren eskaera eta bertakoek beharrak aztertu ondoren, hilero zerbitzuaren onuradunen zerrenda egiteaz arduratzen dira. Zerrenda horrekin, ondoren, Gurutze Gorriak elikagaien behar orokorrak zehazten ditu.
- Udaleko langileak Bizkaiko Elikagai Bankuaren Basauriko egoitzara joaten dira generoa jasotzera eta Ermura ekartzen dute.
- Udalaren arteoetan bidalketa utzi ondoren, Ermuko Gurutze Gorriko boluntarioek lotetan banatu beharreko elikagaiak antolatzen dituzte, familia unitateko ezaugarrien arabera (adina, zenbakia, etab.) eta familia hartzaileei banatzen dizkiete.
2021eko lehen elikagai banaketa honek, 80 familiei iritsiko zaie, guztira horien kide diren 165 pertsonari.
