ERMUA. 20 milioi inguru izango da Ermuak 2020rako izango duen behin behineko aurrekontua. Horrela adostu dute PSE-EE/PSOEren aldeko 7 aldeko boto eta EAJ/PNVren aldeko 4 botoei esker. Elkarrekin Ermuaren kontrako 2 boto eta PPren kontrako botoak, EH Bilduren abstentzioarekin batera, ezin izan zuten aurrekontuaren proposamena atzera bota.
Osoko bilkura martxoaren 9an egin da, astelehen honetan, eta Juan Carlos Abascal Candás alkateak aurkeztu du dokumentua, EAJrekin lortutako akordioaren ostean.
Aurrekontuen inguruko eztabaidan, Elkarrekin Ermua eta PP alderdietako bozeramaileek proposatu dituzten zuzenketa ezberdinak aurkeztu dituzte. Gainerako zinegotzien babesik izan ez duten arren, alkateak adierazi du proposamen batzuk azter litezkeela, aurrerago aurrekontu-aldaketa moduan sartu ahal izateko.
Udalaren aurrekontua 20.164.614,10 eurokoa da, aurreko ekitaldian baino 732.000 euro gehiago. Kopuru horri erakunde autonomoen aurrekontuak gehitu behar zaizkio: batetik, Udal Kirol Erakundea, 787.089,25 eurorekin; eta bestetik, Euskaltegia, 113.058,47 eurorekin.
Erakundearen eta haren erakunde autonomoen -UKE eta Euskaltegia- Aurrekontu Osoa, beraz, 21.064.762,42 eurokoa da.
Aurrekontuarekin batera, Udalbatzaren zerbitzura lan egiten duten langileen plantilla organikoa edo Lanpostuen Zerrenda ere onartu da.
Behin-behineko onarpen horren ondoren, akordioa Bizkaiko Aldizkari Ofizialean argitaratuko da, denek horren berri izan dezaten, eta hogei laneguneko epea zabalduko da balizko alegazioak aurkezteko. Epe hori igarotakoan, alegaziorik ez badago, dokumentua behin-betiko onartua izango da.
Osoko bilkuraren bideoakta lerro hauen azpian ikus daiteke. Gainera, dokumentazio guztia (aurrekontua, zuzenketak, lanpostuen zerrenda, etab.) kontsulta daiteke hemen.
